अखेर रोकडे गावाचा त्या रस्त्याचे प्रश्न मार्गी
वाघडू ता चाळीसगाव रोकडे तांडा येथे
गेल्या अनेक वर्षांपासूनची मागणी असलेला नागदरोड,रोकडे फाटा ते रोकडे तांडा मुख्यमंत्री ग्राम सडक योजने अंतर्गत १ कि.मी. रस्ता मंजूर करून स्वातंत्र्यानंतर प्रथमच रस्त्याच्या डांबरीकरण व काँक्रीटीकरणं कामाला सुरुवात केल्याबद्दल रोकडे ग्रामस्थांच्या वतीने खूप खूप आभार.
आमदार मंगेशदादा चव्हाण यांच्या विशेष प्रयत्नातून गेल्या अनेक वर्षांपासूनची मागणी असलेला नागदरोड, ते रोकडे फाटा ते रोकडे तांडा रस्त्याचे भूमिपूजन रोकडे येथील सरपंच अनिता सुनिल पवार यांच्या हस्ते आज नारळ फोढून भूमिपूजन करण्यात आले. आमदार मंगेश चव्हाण यांनी शब्द दिला आहे की सदर रस्त्याचे काम पूर्ण झाल्यानंतर त्याचे व गावातील इतर विकासकामांचा भव्य लोकार्पण सोहळा कार्यक्रमासाठी ते लवकरच आपल्या रोकडे गावात येतील.
नागदरोड, रोकडे फाटा ते रोकडे तांडा गावाकडे जाणाऱ्या जवळपास १ किमी रस्त्यासाठी ८५ लाख रुपयांचा निधी मंजूर करण्यात आला आहे. सदर रस्त्याचे काम मुख्यमंत्री ग्रामसडक योजनेंतर्गत होणार असून एका किमीसाठी ८५ लाख इतका भरघोस निधी मिळणार आहे.
या रस्त्यामध्ये आमदार मंगेश चव्हाण यांनी विशेष बाब म्हणून रोकडे तांडा गावांच्या हद्दीत कॉंक्रीटीकरण काम समाविष्ट केले आहे. तसेच गावातील छोटी मोरी,नाले वरील मोरी,संरक्षण भिंतीचे बांधकाम देखील करण्यात येणार आहेत.
भूमिपूजन कार्यक्रम उपस्थित,भाजपा युवा मोर्चा तालुकाध्यक्ष सुनिल पवार, संजय जाधव, संजय पवार,भगवान जाधव, धारासिंग जाधव,प्रमोद पाटील,ग्रामपंचायत सदस्या हिरोबाई जाधव,सुनिता पवार सर्व ग्रामपंचायत सदस्य, व ग्रामस्थ मंडळी उपस्थित होते,
सदर रस्ता हा सद्यस्थितीत पूर्ण खराब अवस्थेत असल्याने गेल्या अनेक वर्षांपासून त्याच्या मंजुरीची मागणी होत होती. रोकडे तांडा गावातील ग्रामस्थांना चाळीसगाव शहरात येण्यासाठी हा एकमेव रस्ता असल्याने रोकडे तांडा येथील ग्रामस्थांच्या वतीने आमदार मंगेश दादा चव्हाण यांचे विकास कामाबद्दल कौतुक करण्यात येत आहे.
