आटपाडीत राष्ट्रवादी काँग्रेस पार्टीच्या वतीने सरकारचा जाहीर निषेध
आटपाडी प्रतिनिधी
आटपाडी तालुका राष्ट्रवादी काँग्रेस पार्टीच्या वतीने तालुकाध्यक्ष हनुमंतराव देशमुख यांच्या नेतृत्वाखाली सरकारचा जाहीर निषेध करण्यात आला.
जालना जिल्ह्यातील अंतरवाली सराटी या ठिकाणी मराठा समाजाच्या आरक्षणासाठी लोकशाही पद्धतीने आंदोलन चालू होते .
या आंदोलनांमध्ये मनोज जिरंगे पाटील हे नेतृत्व करीत होते. ते उपोषणाला बसले होते .महाराष्ट्रातील युती सरकारने आंदोलन मोडून काढण्यासाठी पोलीस बळाचा वापर करून मराठा समाजातील सर्व कार्यकर्ते युवक व महिला यांच्यावर अमानुषपने लाटी हल्ला करून गंभीर जखमी केले आहे. या घटनेचा राष्ट्रवादी काँग्रेस पार्टीच्या वतीने जाहीर निषेध करण्यात आला.
आटपाडी तालुक्यातील सर्व मराठा बांधव एकत्र येऊन मराठा आरक्षण प्रश्नावर तीव्र स्वरूपाचे आंदोलन करून शासनाविरुद्ध लढा देण्याचे व मराठा समाजाच्या मागण्या मान्य होईपर्यंत लढा सुरू ठेवण्याचा निर्धार व्यक्त करण्यात आला.
मराठा समाजाच्या वतीने लवकरच तहसील कार्यालय वर भव्य मोर्चा काढण्याचे नियोजन करण्याचे ठरले असून यामध्ये मराठा समाज व मराठा समाजाला पाठिंबा देणारे इतर समाजातील सर्व संघटना यांनी मोठ्या संख्येने सहभागी होण्याचे आवाहन राष्ट्रवादी काँग्रेस पार्टीचे तालुकाध्यक्ष हनुमंतराव देशमुख यांनी केले.
फोटो- आटपाडी दिघंची येथील आझाद चौकामध्ये शासनाचा निषेध करताना राष्ट्रवादी काँग्रेसचे कार्यकर्ते
