टेकवाडे शाळेत शिक्षकांचा सन्मानत-
तऱ्हाडी शिरपूर तालुक्यातील आर.सी. पटेल मराठी प्राथमिक शाळा टेकवाडे येथे शाळेतील सर्व शिक्षकांचा शिक्षक दिनानिमित्त गावातील पदाधिकाऱ्यांच्या हस्ते सन्मान करण्यात आला.सकाळ सत्रात इयत्ता चौथीतील प्रांजल वाडीले, हितेश्वरी धनगर, कृतिका धनगर, कीर्ती वाडीले, चैतन्या धनगर, प्रणाली पारधी, चैताली कोळी, कुणाल पटेल,द्रोपाल गिरासे, मीत वाडीले, यज्ञेश धनगर, धीरज वाडीले या मुले व मुली यांनी अध्यापनाचा काम केले इयत्ता चौथीचा कुणाल पटेल याने मुख्याध्यापकाची भूमिका निभावली शालेय पोषण आहार वाटपानंतर शिक्षक दिनाचा कार्यक्रम घेण्यात आला या कार्यक्रमाच्या अध्यक्षस्थानी टेकवाडे गावाचे विकास सोसायटीचे माजी चेअरमन विजय आबा चौधरी होते. प्रमुख अतिथी म्हणून शालेय व्यवस्थापन समितीचे अध्यक्ष मोतीलाल भाई पटेल, ग्रामपंचायत उपसरपंच मंगलाताई धनगर, ग्राम पंचायत सदस्य उषाताई वाडीले, माझी ग्रामपंचायत सदस्य आशाताई भील, पालक प्रतिनिधी सुनंदाताई चौधरी उपस्थित होते.
प्रथम मान्यवरांच्या हस्ते डॉक्टर सर्वपल्ली राधाकृष्ण यांच्या प्रतिमेचे पूजन करण्यात आले त्यानंतर अध्यापनाचा काम करणाऱ्या सर्व विद्यार्थी शिक्षकांचा शालेय वस्तू देऊन मान्यवरांच्या हस्ते सन्मान करण्यात आला विद्यार्थ्यांनी आपले अध्यापनाचे अनुभव मनोगतातून व्यक्त केले मुख्याध्यापक रवींद्र खोंडे यांनी शिक्षकाची भूमिका कशी असावी विद्यार्थ्यांच्या जीवनात शिक्षकाचे महत्त्वपूर्ण स्थान विविध उदाहरणे व गोष्टींद्वारे आपल्या मनोगतातून स्पष्ट केले. सहकाऱ्यांना शुभेच्छा देताना त्यांनी फक्त परमेश्वरावर विश्वास ठेवून चांगले काम करा असा संदेश आपल्या मनोगतातून सहकाऱ्यांना दिला. त्यानंतर शाळेतील सर्व शिक्षकांचा व शिक्षकेतर कर्मचारी आणि मुख्याध्यापकांचा शाल श्रीफळ व भेटवस्तू देऊन कार्यक्रमाचे अध्यक्ष विजू आबा चौधरी यांनी आपल्या स्वतःच्या खर्चातून शिक्षकांचा सन्मानाचा कार्यक्रम घडवून आणला या कार्यक्रमाचे सूत्रसंचालन शाळेच्या उपशिक्षिका जयश्री पाटील यांनी केले. तर कार्यक्रम यशस्वीतेसाठी उपशिक्षक संजय पटेल, उपशिक्षिका बबीता काटोले बालवाडी शिक्षिका सुनंदा सोनार, शिक्षकेतर कर्मचारी भाईदास पावरा, ज्ञानेश्वर वारुळे यांनी परिश्रम घेतले.
