विद्यार्थिनीला मारहाण प्रकरणातील त्या शिक्षकाला वाचवण्यासाठी शिक्षण विभागाचे शर्तीचे प्रयत्न….
शिक्षण विभागाकडून अहवाल चुकीचा….अहवाल चुकीचा देणाऱ्या अधिकाऱ्यांची चौकशी करून कारवाई करावी….
आटपाडी प्रतिनिधी
विद्यार्थिनीला मारहाण प्रकरणातील त्या शिक्षकाला वाचवण्यासाठी शिक्षण विभागाचे शर्तीचे प्रयत्न….
शिक्षण विभागाकडून अहवाल चुकीचा….अहवाल चुकीचा देणाऱ्या अधिकाऱ्यांची चौकशी करून कारवाई करावी
बाळेवाडी ता.आटपाडी येथील कोळेकर वस्तीवरील जिल्हा परिषद शाळेतील सहशिक्षक बाबासाहेब शेख यांच्याकडून इयत्ता दुसरी शिकत असलेल्या विद्यार्थिनीला अमानुष मारहाण केल्याची घटना प्रसार माध्यमांमध्ये प्रसिद्ध झाल्यानंतर जिल्हा शिक्षण विभागाने चौकशी करून पोक्सो अंतर्गत गुन्हा दाखल करण्याचे तालुका गटशिक्षण अधिकारी यांना एक सप्टेंबर रोजी आदेश दिले होते.
मुळात शालेय विद्यार्थिनीला मारहाण झाल्यानंतर पालकांनी मारहाण करणाऱ्या शिक्षकाविरोधात पोलीस स्टेशनमध्ये गुन्हा दाखल करण्याचा पवित्रा घेतला होता मात्र ते पीडित पालक व शिक्षक यांच्यामध्ये स्थानिक शिक्षकांनी मध्यस्थी करून या विषयावरत पडदा टाकण्याचं काम केलं होते.त्यामुळे सुरुवातीला आक्रमक झालेले पालक अचानकपणे शांत झाले होते .मात्र आत्ता जिल्हा शिक्षण विभागाकडून चौकशीचे आदेश दिल्यानंतर या प्रकरणाची चौकशी सुद्धा हेच मध्यस्थी करणारे विस्तार अधिकारी यांनी चौकशी अहवाल तयार केलेला आहे.
मारहाण प्रकरणांमध्ये शिक्षक व पालकांमध्ये मध्यस्थी करून गंभीर प्रकरण दडपण्याचा प्रयत्न करणारे वस्तुनिष्ठ अहवाल कसे देणार असा प्रश्न सध्या उपस्थित झाला आहे. सूत्रांकडून मिळालेल्या माहितीनुसार बनवलेला चौकशी अहवाल हा त्या शिक्षकाला अभय देणारा आहे.
अशी माहिती मिळत आहे या चौकशी संदर्भात गटशिक्षणाधिकारी दत्तात्रय मोरे कोणतेही भाष्य करण्यास तयार नाहीत . तर उलट असा काही प्रकार घडला नाही असे म्हणाले.जिल्हा शिक्षण अधिकारी मोहन गायकवाड यांनी फोनवरून माहिती देण्यास सांगितले असताना सुद्धा लेखी आदेश असल्याशिवाय मी माहिती देणार नाही असा पवित्रा गटशिक्षणाधिकारी मोरे यांनी घेतला होता.
त्यामुळे चौकशी करणारे गटशिक्षणाधिकारी दत्तात्रय मोरे विस्तार अधिकारी यांच्या भूमिकेवर शंका उत्पन्न होत आहे. शिवाय सुरुवातीला तक्रार देण्यास तयार झालेले पालक आता कोणतीच तक्रार नाही अशी भूमिका घेत आहेत .त्यामुळे या सर्व प्रकरणांमध्ये पालकांवर असा कोणता दबाव आहे का ? किंवा या प्रकरणांमध्ये मोठी आर्थिक तडजोड झाली आहे का ?याची तालुक्यात खुमासदार चर्चा सुरू आहे.
या बाबीची सुद्धा चौकशी होणे गरजेचे आहे .जिल्हा शिक्षण विभागाने त्रयस्थ समिती नेमून या सर्व प्रकरणाची नव्याने चौकशी करण्याची गरज निर्माण झालेली आहे. तर अंतर झालेल्या विद्यार्थ्यांना न्याय मिळेल व भविष्यामध्ये असे प्रकार घडणार नाहीत.
