कोंढावळ क्रांतिज्योती सावित्रीबाई फुले माध्यमिक विद्यालयात विद्यार्थी मार्गदर्शन उपक्रम साजरा .
तऱ्हाडी शहादा तालुक्यातील क्रांतिज्योती सावित्रीबाई फुले माध्यमिक विद्यालयात जीवनविद्या मिशन मुंबई संस्थेमार्फत श्री जनार्दन शेडगे यांनी पाचवी ते दहावीच्या विद्यार्थांशी संवाद साधून ‘तूच आहे तुझ्या जीवनाचा शिल्पकार’ या विचारावर विद्यार्थांमध्ये चेतना जागृत करण्याचा प्रयत्न केला. व या कार्यक्रमासाठी अथर्व साठे यांनी सहकार्य केले. या कार्यक्रमाचे प्रस्ताविक उपशिक्षक पी.टी. परदेशीं यांनी करताना वामनराव पै यांचे विचारांचे काही पैलू मांडले.
या उपक्रमांतर्गत खालील विषयावर मार्गदर्शन श्री जनार्दन शेडगे (व्यवसायिक)मुंबई यांनी त्त्यांच्या वाणीतून वामनराव पै यांचे विचार का अंगिकारावे याचे अनेक उदाहारणातुन विध्यार्थ्यांच्या मनात बिंबवण्याचा प्रयास केला.
१) अभ्यासाच्या पद्धती व अभ्यासाचे महत्त्व
२) राष्ट्रभक्ती व राष्ट्रप्रेम
३) शरीराचे महत्त्व
४) चांगली संगती व व्यसनांपासून अलिप्ती
५) निसर्ग नियमांचे जीवनातील महत्त्वाचे स्थान. कार्यक्रमाच्या शेवटी मार्गदर्शकांचे आभार उपशिक्षक के.एस.सैंदाणे यांनी मानले .
सदर उपक्रम साजरा करण्यासाठी शाळेचे मुख्याध्यापक जे.पी.माळी,उपशिक्षक डी. एस.जगताप,आर. एच.खैरनार,वाय.एस.शिंपी,एस.पी.सोनवणे, एम.एम.माळी व शिक्षेकेत्तर कर्मचारी आर.डी.माळी,आर.एम.बागुल सर्व कर्मचारी बंधू भगिनी यांनी सहकार्य केले.
