आटपाडी तालुक्यात ग्रामपंचायत निवडणुकीमध्ये भाजपचे वर्चस्व .. तर शिवसेनेची पीछेहाट
आटपाडी प्रतिनिधी
आटपाडी तालुक्यात17 ग्रामपंचायतिचा निकाल जाहीर झाला तर तीन ग्रामपंचायतीची या अगोदरच बिनविरोध झाल्याने उर्वरित चौदा ग्रामपंचायतची मतमोजणी होऊन निकाल जाहीर करण्यात आला त्यामध्ये भाजपने बाजी मारली आहे. सात ग्रामपंचायत वर वर्चस्व मिळवले तर शिवसेनेला चार ग्रामपंचायती वर यश मिळाले आहे तर 6 ग्रामपंचायत मध्ये मित्र पक्षांच्या आघाडीला यश मिळाले आहे
निवडणूक झालेल्या ग्रामपंचायत मध्ये मोठे फेरबदल झाले आहेत करगणी ग्रामपंचायत शिवसेनेच्या हातातून भाजपच्या हातात गेली आहे. तर नेलकरंजी ग्रामपंचायत काँग्रेसच्या हातातून मित्र पक्षाच्या हातात गेली आहे. निंबवडे ग्रामपंचायत भाजपच्या हातातून शिवसेनेकडे गेली आहे. जवळपास सर्वच ग्रामपंचायत मध्ये सत्तांतर झाल्याचं दिसून येत आहे
सरपंच म्हणून निवडून आलेले उमेदवार गाव निहाय असे आहेत निंबवडे बाळासाहेब मोटे शिवसेना, काळेवाडी सरिता गंभीर बीजेपी, पिंपरी खुर्द नितीन मंडले शिवसेना, आंबेवाडी विद्या पुजारी बीजेपी, करगणी सुरेखा होनमाने बीजेपी, मिटकी रूपाली कोळपे बीजेपी , वाक्षेवाडी राजाराम वाक्षे अपक्ष, मासाळवाडी राहुल मासाळ शिवसेना, बनपुरी दीपक देशमुख अपक्ष ,विभूतवाडी सुरज पाटील शिवसेना व मित्र पक्ष आघाडी ,नेलकरंजी पुनम मेटकरी बीजेपी राष्ट्रवादी आघाडी, चिंचाळे संजय कदम बीजेपी कानकात्रेवाडी गजानन खरात बीजेपी मानेवाडी सुवर्ण खरात भाजप,पिंपरी खुर्द नितीन मंडले शिवसेना असे सरपंच पदाचे उमेदवार विजयी झाले आहेत.
विजयानंतर विजय उमेदवारांच्या खंदे समर्थकांनी जल्लोष साजरा केला व उमेदवारांची मिरवणूक काढली. गुलालाची उधळण करण्यात आली.
