धनगर शक्तीप्रदत्त समितीत उपमुख्यमंत्री देवेंद्र फडणवीस समावेश करावा….आम्. गोपीचंद पडळकर
आटपाडी प्रतिनिधी
राज्यभरात झालेल्या उपोषणानंतर महायुती सरकारने आरक्षण अंमलबजावणीसाठी पुढाकार घेतला असून मुख्यमंत्री एकनाथ शिंदे यांच्या अध्यक्षतेखाली ‘धनगर शक्तिप्रदत्त समिती’ बनत आहे. ती समिती प्रभावीपणे काम करेल याची आशा आहे. मात्र, ज्यांनी धनगर आरक्षणासाठी प्रामाणिकपने काम केले अशा उपमुख्यमंत्री देवेंद्र फडणवीस यांना या समितीत स्थान नाही. तरी समितीत उपमुख्यमंत्री देवेंद्र फडणवीस स्थान देण्यात यावे ही भावना समस्त धनगर समाजाची आहे.
जे आदिवासींना ते धनगरांना ही मुळात संकल्पनाच उपमुख्यंत्री देवेंद्र फडणवीस यांनी. मुख्यमंत्रीपदाच्या कार्यकाळात राज्यात ‘धनगड’ नसून आहेत ते ‘धनगर’ असल्याचे प्रतिज्ञापत्र दिले. योजनांपासून ते आरक्षण अंमलबजावणीपर्यंत सर्व प्रक्रियेत देवेंद्र फडणवीस यांचे मोठे योगदान आहे. म्हणून उपमुख्यमंत्री देवेंद्र फडणवीस यांचा यात समावेश करावा. अशी मागणी आमदार गोपीचंद पडळकर यांनी मुख्यमंत्री एकनाथजी शिंदे यांच्याकडे निवेदनाद्वारे केली आहे .
