खरसूंडीच्या पवित्र नाथनगरीत पोलिसांच्या नजरा चुकवून अवैध धंद्यात वाढ…
आटपाडी प्रतिनिधी
खरसुंडी ता. आटपाडी येथे पवित्र भूमीत सिद्धनाथ देवस्थान असून हे देवस्थान संपूर्ण महाराष्ट्रातच नव्हे तर महाराष्ट्राच्या इतर राज्यात सुद्धा प्रसिद्ध आहे .याच नाथ नगरीमध्ये भाविकांची सतत वर्दळ असते .त्यामुळे बाजारपेठेमध्ये चांगलीच उलाढाल होत असते.
त्याचबरोबर दररोज बाहेरून येणारा भक्तांचा ओघ पाहता बाजारपेठेत सतत गर्दी असते. परंतु या भक्तांच्या वरदळीला गालबोट लागावे असे कृत्य अनेक अवैध धंद्यातून होत आहे. अशा या सिद्धनाथाच्या पवित्र भूमीला दैवत धंद्याचे कालबुक लागले आहे.
येथे सब पोलीस स्टेशन आहे. परंतु संख्याबळ कमी असल्याने पोलिसांच्या नजरा चुकवून पवित्र अशा नाथनगरीमध्ये अवैध धंदेवाल्याने थैमान घातले आहे.
दिवसा ढवळ्या पानपट्टी वर आकडे घेतले जातात आणि या आकड्याचा व्यवसाय सध्या तेजीत आहे.नाथ नगरीमध्ये बाहेरून येणारा भक्तांचा ओघ व स्थानिक नागरिकांमध्ये आकडा खेळण्याची आवड पाहता या नाथ नगरीमध्ये चार ते पाच व्यक्ती हा व्यवसाय करतात.
अनेक वेळा पोलिसांनी धाडी टाकून गुन्हे दाखल केले आहेत. परंतु पोलिसांच्या नजरा चुकवून अनेक जण या व्यवसायामध्ये गुंतलेले आहेत .या व्यवसायामुळे अनेक तरुणांचे संसार उध्वस्त झाले आहेत. तरीसुद्धा हा व्यवसाय तेजीत आहे.
पोलिसांनी सुद्धा किती वेळा धाडी टाकून गुन्हे दाखल करायचे हा गंभीर प्रश्न बनला आहे .यामध्ये तरुण वर्ग देशोधडीला लागत आहे . तर अनेक जणांचे संसार उध्वस्त झाले आहेत तरीसुद्धा हा व्यवसाय तेजीत चालतो. या अवैध धंद्याचा भाविक भक्तांना सुद्धा त्रास होताना दिसत आहे.
खरसुंडी ही सिद्धनाथाची नगरी आहे भाविकांची वर्दळ असल्याने पोलिसांच्या वर कामाचे ताण पडतो. त्यामुळे अवैध धंदेवाल्यांचे फावले आहे. तरी पवित्र स्थान असलेले नाथ नगरीतील अवैध व्यवसाय बंद व्हावेत अशी नागरिकांतून मागणी होत आहे.
फोटो.. सिध्दनाथ देवस्थान
