परभणीचा खरा जाणकार मीच- सखाराम बोबडे पडेगावकर
प्रतिनिधी
परभणी लोकसभा मतदारसंघातील कष्टकरी ,शेतकरी युवकांच्या समस्यां मागील पाच वर्षापासून वस्ती तांड्यावर जाऊन मीच जाणून घेत आलोय. त्यामुळे समस्या जाणून घेणारा खरा जाणकार मीच असल्याने मतदार मला विसरणार नाहीत असा विश्वास अपक्ष उमेदवार सखाराम बोबडे पडेगावकर यांनी व्यक्त केला.
परभणी लोकसभेत महायुतीकडून राष्ट्रीय समाज पक्षाचे नेते महादेव जानकर यांची उमेदवारी अधिकृतरित्या जाहीर झाल्यानंतर काही पत्रकारांनी अपक्ष उमेदवार सखाराम बोबडे पडेगावकर यांच्याशी संपर्क साधला. ही निवडणूक जातपात धर्म या विषयावर होणारच नाही. मतदार या निवडणुकीत जातीला थारा देणारच नाहीत .
मतदारसंघातील शेतकरी ,कष्टकरी, शेतमजूर ,विद्यार्थी यांचे प्रश्न महत्त्वाचे आहेत. जो कोणी यांचे प्रश्न जाणून घेइल आणि सोडवण्यासाठी प्रयत्न करील त्याच्यासोबतच ही जनता राहणार आहे .मागील पाच वर्षापासून या मतदारसंघातील मतदारांचे प्रश्न जाणून घेत आलोय. त्यामुळे या मतदारसंघातील समस्यांचा खरा जाणकार मीच असल्याचे मग त्यांनी व्यक्त केले.
