खानापूर तालुका समस्त धनगर समाजाच्या संयुक्त विद्यमाने तिरकवाडी (ता.फलटण) येथील अहिल्यादेवी वधु-वर सुचक मंडळाच्या वतीने हॉटेल सिध्दी हॉलमध्ये रविवार, दि.2 जून 2024 रोजी धनगर समाजाचा वधु-वर मेळावा आयोजित करण्यात आला असल्याची माहिती आयोजक आणि अहिल्यादेवी वधु-वर सुचक मंडळाचे संस्थापक रणजित सोनवलकर यांनी दिली.
रविवार दि. 2 जून 2024 रोजी सकाळी 10 ते सायंकाळी 5 यावेळेत धनगर समाजाचा वधु-वर मेळावा आयोजित करण्यात आला आहे.तिरकवाडी (ता. फलटण) येथील अहिल्यादेवी वधु-वर सुचक मंडळ हे गेल्या 22 वर्षापासून सातत्याने विविध ठिकाणी वधुवर मेळावा आयोजित करत आहे. या वधुवर मेळाव्यास उदघाटक म्हणून समता शिक्षणसंस्थेचे अध्यक्ष भाऊसाहेब पाटील तर प्रमुख पाहुणे म्हणून माजी नगरसेवक शिवाजीराव हारगुडे यांची प्रमुख उपस्थिती असणार आहे. कार्यक्रमाच्या अध्यक्षस्थानी सांगलीचे उद्योजक पुंडलीक गडदे आहेत.
तर यावेळी सामाजिक कार्यकर्ते बाळासाहेब मेटकरी, साहित्यिक
रघुराज मेटकरी, जेष्ठ नेते भगवानराव वाघमोडे, सांगली जिल्हा मध्यवर्ती बँकेचे माजी संचालक गजानन शेंडगे – पाटील, पत्रकार संघाचे जिल्हाध्यक्ष प्रताप मेटकरी, पारेचे माजी सरपंच तुकाराम वलेकर, माजी सभापती दादासाहेब पाटील, धनाजीशेठ शेंडगे, विक्रम ढोणे, मायणीचे उपसरपंच दादासाहेब कचरे, अनिलशेठ कचरे, सामाजिक कार्यकर्ते सुभाष शेंडगे, प्रा. प्रमोद शेंडगे यांच्यासह अनेक मान्यवर उपस्थित राहणार आहेत.
तरी इच्छुक वधू वर व पालकांनी या मेळाव्यासाठी मोठ्या संख्येने उपस्थित रहावे, नाव नोंदणीसाठी 9960339246 या क्रमांकावर संपर्क साधावा, असे आवाहन आयोजक रणजित सोनवलकर यांनी केले आहे.
