कोंढावळ, संत सावता माळी बहुउद्देशीय विकास मंडळ संचलित, क्रांतिज्योती सावित्रीबाई फुले माध्यमिक विद्यालयात शिक्षण सप्ताहाला सुरुवात
कोंढावळ :-राज्य शैक्षणिक संशोधन व प्रशिक्षण परिषद महाराष्ट्र राज्य पुणे यांच्या वतीने आयोजित करण्यात आलेल्या राष्ट्रीय शैक्षणिक धोरण २०२० च्या चौथ्या वर्धापन दिनानिमित्त दिनांक २२ ते २८ जुलै२०२४ या कालावधीत शिक्षण सप्ताह साजरा करण्याचे आयोजन करण्यात आलेले आहे.तरी क्रांतिज्योती सावित्रीबाई फुले माध्यमिक विद्यालय कोंढावळ येथे २२जुलै २०२४ रोजी शिक्षण सप्ताह निमित्ताने अध्ययन अध्यापन साहित्य दिवसाला सुरुवात करण्यात आली.
या उपक्रमात विद्यार्थ्यांना चला शिकूया. चला गोष्टी ऐकू या. डोके चालवा .वाचन कट्टा. प्राण्यांचे व पक्षांचे मुखवटे. खेळणी इत्यादी उपक्रम राबवून शिक्षक योगेश शिंपी, गोरख वाल्हे, कैलास सैंदाणे, मंदाकिनी माळी, यांनी विद्यार्थ्यांना मार्गदर्शन केले व विद्यार्थ्यांनी सहभाग घेऊन वस्तू तयार केलेत यावेळी मुख्याध्यापक जिभाऊ माळी जेष्ठ शिक्षक धनराज जगताप, रोहिदास खैरनार, प्रमोद परदेशी, सुलोचना सोनवणे यांनी सहकार्य केले व विद्यार्थ्यांनी सहभाग घेतला
फोटो –
शिक्षण सप्ताह पहिला दिवस इयत्ता पाचवी ते आठवीतील विद्यार्थी व विद्यार्थ्यांनींनी वाक्ये पट्ट्यांचे वाचन केले, व त्यांना वाक्यांमधुन नाम, सर्वनाम, विशेषण, लिंग व क्रियापद ओळखून दाखवले.
