जिल्हा स्तरीय रोड : ॲप्रोज रोड कसे.?
त-हाडी
अभाणपूर ते तऱ्हाडी व तऱ्हाडी ते जुने अंतुर्ली पुढे टेकवाडे, वनावल, जातोडे, गिधाडे हे रोड अप्रोच रोड होते. पण माननीय आमदार अमरीशभाई पटेल यांनी त्यांना एकत्रित करून अभाणपूर ते गिधाडे असा एकत्रित जिल्हा रोड म्हणून मान्यता मिळवली.
जिल्हा रोड म्हणूनच या रस्त्याचे टेंडर निघाले. व कामालाही सुरुवात झाली. ॲप्रोच रोड फक्त १० फुटाचा रूंद असतो जिल्हा रोड हा त्यापेक्षा रुंदीने मोठा होतो. व तो २० फुटापर्यंत रुंद होवू शकतो. हा रोड अभाणपूपासून गिधाडेपर्यंत जिल्हा रोड झाला.
त्याअर्थी तो रुंदीने २० फुटापर्यंत करणे आवश्यक होते. परंतु हा रोड फक्त दहा फुटाचा पूर्वीचा जो होता त्याच्यावर फक्त एक दीड इंच डांबरीकरण केले आहे. वास्तविक पाहता हा जुना रोड उखडून खडीने मजबूत करून तो जिल्हा रोड म्हणून वीस फुटाचा सलग खडीकरण व डांबरीकरण करणे गरजेचे होते. पण तसे झालेले नाही. व एक महिन्याच्या आत अभाणपूर – तऱ्हाडी रस्त्यावर खड्डे पडले आहेत. त्यात पाणी साचले आहे.
तऱ्हाडीपासून पुढेही हा रस्ता पुन्हा अप्रोच रोड एवढाच करण्यात आला आहे. तो पुढे दगडी ओस पडलेले गाव आहे तिथपर्यंत केला आहे. तो सुद्धा रस्ता उखडून खडीने मजबुतीकरण न करता त्यावर फक्त डांबरीकरण केले गेले आहे.
तऱ्हाडी, अंतुर्ली, आभाणपूर या गावातील सुज्ञ ग्रामस्थांनी आभानपुर पासून ते जिथपर्यंत रोड तयार झाला आहे तिथपर्यंत प्रत्यक्ष पाहणी केली आहे.
अभाणपूरपासून गिधाडे पर्यंत हा पूर्ण रोड जिल्हास्तरीय रुंदीप्रमाणे करण्यात यावा. व खडीच्या साहाय्याने मजबुतीकरण करून पुन्हा चांगल्या प्रकारे जिल्हास्तरीय रोड प्रमाणे डांबरीकरण करण्यात यावे. व झालेल्या रोडाची रोड संबंधी असणाऱ्या क्वालिटी कंट्रोलकडून तपासणी करण्यात यावी. व त्यांच्या निर्णयाप्रमाणे पुन्हा या रस्त्याचे काम आभाणपूरपासून नव्याने व्हावे.
व पुढेही जिल्हास्तरीय रोडाच्या नियमाप्रमाणे पुढचे काम व्हावे. अशी विनंती म.कार्यकारी अभियंता सार्वजनिक बांधकाम विभाग धुळे यांच्याकडे पत्र पाठवून केलेली आहे.
जर त्यांनी यात लक्ष घालून वरील प्रकारे चांगल्या पद्धतीने जिल्हास्तरीय रोडच्या नियमाने काम केले नाही. तर आम्हाला महाशय जिल्हाधिकारी साहेब मार्फत याची चौकशी करण्यासाठी भाग पाडावे लागेल. व त्याचप्रमाणे महाशय पालकमंत्री आणि महाशय बांधकाम मंत्री यांच्यामार्फत सर्व चौकशा करून चांगल्या प्रकारे रोड करण्यासंबंधी त्यांना कार्यवाही करायला भाग पाडले जाईल. असे आवाहन अभाणपूर, तऱ्हाडी, अंतुर्ली ग्रामस्थांनी प्रसिद्धी पत्रकान्वये केले आहे.
प्रा.पी.एस.अंतुर्लीकर व अभाणपूर ,तऱ्हाडी, अंतुर्ली येथील ग्रामस्थ
