माता धरती माताचे गर्भाशय नष्ट करणे महागात पडेल: स्वाती मोराळे
बीड ;
बीड जिल्ह्यातील केज तालुक्यात महिला अधिकार मंचच्या वतीने महीलाचे गर्भाशय काढू नका, ज्या महिलांचे गर्भाशय काढले त्यांना पेन्शन चालू करा. गरज नसताना गर्भाशय काढल्यास कठोर शिशेचा कायदा तयार करा व असे जे गुन्हे घडले आहे त्याची सखोल चौकशी करा अशी मागणी या मोर्चाद्वारे करण्यात आली. डॉ. बाबासाहेब आंबेडकर चौक ते तहसीलदार कार्यालय दरम्यान तीन हजार महिलांनी एकत्र येऊन मोर्चा काढला.
बीड जिल्हा मध्ये ऊसतोड महिला मजुरांच्या बाबत ही घटना उघडकीस आली होती. पंधरा हजारापेक्षा जास्त महिलांचे गर्भाशय काढले होते. क्षुल्लक कारणावरून गर्भाशय काढले होते. मृत्यूची भिती दाखवून गर्भाशय काढायचे व पैसे कमवायचे असे प्रकार चालु होते. हे थांबत नाही.
मागील वर्षात एकूण ६५१ महिलांचे गर्भाशय काढण्यात आले आहे.
गर्भाशय न काढता या महिलांचे आरोग्य सुधारता आले असते परंतु जास्त पैसे काढण्याच्या नादात हे घृणा स्पद कृत्य केले आहे. या मध्ये खाजगी डॉक्टरांचे प्रमाण अधिक आहे.
धरती मातेची गर्भाशये ही अशीच नष्ट करण्यात येत आहे. खडी मशीन, वाळू तस्करी, वृक्ष तोड मोठ्या प्रमाणात होत आहे. वृक्षतोडी मुळे उष्णता वाढत असून बर्फ वितळणे, पाण्याचे प्रमाण कमी होणे हे प्रमाण वाढले आहे. त्यामुळे पर्यावरण धोक्यात येत आहे. माता व धरती मातेची गर्भाशय काढून आपण आपल्याच पायावर कुऱ्हाड मारून घेत आहोत. हे जर थांबले नाही तर आपला नाश लवकरच झाल्याशिवाय राहणार नाही.
