माय बाप सरकार आत्ता तुम्हीच सांगा आम्ही कस जगायचं
सलग चोवीस तास पावसाच्या सरी
कापूस पंढरी पुन्हा हादरली, कांद्याचे अतोनात नुकसान
अजूनही प्रशासन निर्ढावलेले , पंचनामा करण्याची मागणी
त-हाडी
अरबी समुद्रात कमी दाबाचा पट्टा तयार झाल्याने थंडीच्या दिवसात अवकाळी पाऊस बरसत आहे शिरपूर तालुक्यात चोवीस तास सलग पावसाच्या सरी कोसळत राहिल्या, अचानक आलेले अस्मानी संकटाने कापूस पंढरी पुन्हा एकदा हादरली असून मका तुर , हरभरा, पिकाचे अतोनात नुकसान झाले आहे त्यापाठोपाठ कांद्या पीक शेतात खराब होऊ लागल्याने शेतकरी पुरता हादरला आहे आत्ता माय बाप सरकार तुम्हीच सांगा आम्ही कस जगायचं अशी भावनिक साद शेतकऱ्यांनी घातली आहे तर दुसरीकडे चोवीस तास उलटून सुद्धा प्रशासनाने कोणतेही पाऊल उचलले नाही शिवाय शासनाने पंचनामा आणि नुकसान भरपाई देण्याची कोणताही आदेश दिला नसल्याने शेतकरी दुहेरी अडचणीत सापडला आहे
शिरपूर तालुक्यातील सर्वात महत्वाचे पीक असणारे कापूस आणि कांदा पिकावर मोठया प्रमाणात या अवकाळी पावसाचा परिणाम झाला आहे अनेक , फ्लॉवरिंग अवस्थेत पपई आहे, या बागेत आत्ता घडांची कूज आणि गळ होत आहे, अक्षरशः मणी गळून केवळ दांड शिल्लक राहिले आहे, पावसात कोणतेही बुरशीनाशक काम करत नाही,
पाऊस सलग असल्यामुळे फवारणी करणे शक्य नाही केली तरी टापटीप पावसाने धुवून जात आहे, त्यामुळे जवळपास ऐंशी टक्के बागांच नुकसान झाले आहे वर्षभर मेहनत केली, उन्हाळ्यात पाणी दिले, मोठया प्रमाणात खर्च केला, आणि तोंडा जवळ आलेला घास नियतीने हिरावून नेला वर्षभर मनाशी बाळगलेले स्वप्न अवघ्या दोन दिवसात धुळीला मिळालं आहे लागवड झालेल्या कांदा पिकावर पाऊस मोठा परिणाम करून गेला कांद्याच्या गाभ्यात पाणी गेल्याने कांदा खराब झाला आहे फळ वर्गीय पिकांचे फुल गळ आणि कूज होत आहे, भाजीपाला शेतात खराब होत आहे, रब्बी हंगामातील गहु, हरभरा पीक अंकुर निघण्याच्या अवस्थेत आहे मात्र पावसाने अंकुर सडून पुन्हा पेरणी करावी लागणार आहे
शेती ही सर्वात मोठी जुगार झाली आहे निसर्ग, ग्राहक, शासन, निर्यातधोरण, कुचकामी कायदे, यामुळे शेती शेतकऱ्यांच्या मुळावर उठली असून खूप हाल अलीकडे काही वर्षात सुरु आहे
या भयंकर परिस्थितीचे शासन स्तरावर दखल घेऊन शेतकऱ्यांना जास्तीत जास्त नुकसान भरपाई देऊन दिलासा द्यावा अशी मागणी होत आहे
चौकट
अवकाळी पावसाने शिरपूर तालुक्यातील एकही गाव सोडले नाही संपूर्ण तालुका व्यापला आहे आज सर्वाधिक नुकसान पपई, तुर मका हरभरा आणि कांदा पिकाचे झाले आहे पपई पिकाला सर्वाधिक खर्च येतो शिवाय वर्षातून एकदाच पीक घेतले जाते त्यामुळे सगळ्या अपेक्षा धुळीस मिळाल्याने शेतकरी पुरता खचला आहे
शासनाने नुकसान भरपाईचे आदेश देऊन तातडीने नुकसान भरपाई देऊन दिलासा द्यावा
प्रफुल्ल पाटील
मा उपाध्यक्ष ता भारतीय जनता पक्ष
चौकट
चोवीस तास झाले पाऊस पडत आहे सूर्याचे किरणे पिकावर पडले नाही, पपई घडातील पाणी कमी होत नाही सतत ओला असलेला घड शेवटी कुजू लागतात आणि गळ होते हिच परिस्थिती निर्माण झाली आहे
अत्यंत प्रतिकूल परिस्थितीत उभे केलेले पीक निसर्ग हिरावून नेत आहे सगळे स्वप्न धुळीला मिळत आहे शासनाने तातडीने पंचनामे करून नुकसान भरपाई द्यावी
शिवराम पाटील
पपई उत्पादक शेतकरी त-हाडी
