आदर्श मराठीत महापरिनिर्वाण दिन साजरा
त-हाडी
नंदुरबार-येथील स्वा.सै. श्री. गोकुळदास देसाई आदर्श मराठी विद्यामंदिर व गुजराती विद्यामंदिर येथे डॉ. बाबासाहेब आंबेडकर यांना महापरिनिर्वाण दिनानिमित्त अभिवादन करण्यात आले.
याप्रसंगी प्रमुख अतिथी म्हणून न.पा. शिक्षण मंडळाचे प्रशासन अधिकारी श्री. भावेश सोनवणे साहेब, मुख्याध्यापिका सौ. मिनाक्षी भदाणे मॅडम, गुजराती विभागाचे मुख्याध्यापक श्री भद्रेश त्रिवेदी सर ,समन्वयक श्री युवराज पाटील सर हे उपस्थित होते. यावेळी डॉक्टर बाबासाहेब आंबेडकर यांच्या प्रतिमेस पुष्पहार अर्पण करण्यात आले.
कार्यक्रम प्रसंगी श्री निलेश बागुल सर यांनी बाबासाहेब आंबेडकर यांच्या जीवनकार्याचा परिचय करून दिला. तर श्री.भावेश सोनवणे साहेबांनी विद्यार्थ्यांना त्यांच्या जीवनातील अनेक छोट्या प्रसंगातील उदाहरणे सांगून आजच्या दिवसाचे महत्त्व पटवून दिले. कुठे. सेजल भास्कर धनगर ह्या विद्यार्थीनीने इंग्रजीतून भाषण केले.सूत्रसंचालन तुषार सोनवणे यांनी केले तर आभार श्री मनोज वानखेडे यांनी मानले. कार्यक्रम यशस्वीतेसाठी सर्व शिक्षक- शिक्षकेतर कर्मचारी यांचे सहकार्य लाभले.
फोटो-
*डॉ.बाबासाहेब आंबेडकर यांच्या प्रतिमेस माल्यार्पण करतांना प्रशासन अधिकारी श्री भावेश सोनवणेसाहेब,मुख्याध्यापिका सौ मिनाक्षी भदाणे, गुजराती विभागाचे मुख्याध्यापक श्री भद्रेशभाई त्रिवेदी
