सावित्रीबाई फुले जयंतीनिमित्त विनम्र अभिवादन
शिरपूर तालुक्यातील आर.सी.पटेल मराठी प्राथमिक शाळा टेकवाडे येथे दि.3 जानेवारी 2021रोजी सावित्रीबाई फुले यांना जयंतीनिमित्ताने विनम्र अभिवादन करण्यात आले. या कार्यक्रम प्रसंगी टेकवाडे गावाचे मा.सरपंच नानासो.श्री दिलीप धनगर विद्यमान उपसरपंच सौ.मंगलाताई दिलीप धनगर,ग्रामपंचायत सदस्य सौ.उषाताई वाडीले,ग्रामपंचायत सदस्य सौ.वंदनाताई मोरे, उपस्थित होते.त्यांच्या हस्ते प्रतिमा पुजन करण्यात आले.शाळेतील बालवाडी शिक्षिका श्रीमती एस.जे.सोनार यांनी सावित्रीबाई फुले यांच्या जीवन कार्याचा परिचय विद्यार्थ्यांना आपल्या मनोगतातून करून दिला.
कोरोना नियमांचे पालन करीत प्रत्येक वर्गातील काही विद्यार्थी प्रतिनिधी व शाळेतील सर्व शिक्षकवृंद व शिक्षकेतर कर्मचारी यांनी प्रतिमा पुजन करून विनम्र अभिवादन केले. विद्यार्थ्यांना सावित्रीबाई फुले यांनी समस्त स्रियांच्या विकासासाठी व हक्कांसाठी केलेला संघर्ष व त्यामुळे त्यांना झालेल्या प्रचंड यातना व त्यामुळेच आज आपल्याला प्रत्येक क्षेत्रात स्रिया यशस्वी होवून आपल्या कामाचा ठसा उमटवत आहेत.हे प्रत्येक वर्गात विद्यार्थ्यांना समजावून सांगा असे आवाहन शाळेचे मुख्याध्यापक श्री आर.बी.खोंडे यांनी वर्गशिक्षकांना केले.
कार्यक्रमात शाळेतील स्री शिक्षिका श्रीमती एस.जे.सोनार व श्रीमती बी.बी.काटोळे त्यासोबत स्री पालकांचा मान्यवरांच्या हस्ते सन्मान करण्यात आला.तसेच इयत्ता बालवाडी ते 4 थी च्या विद्यार्थ्यांनी नववर्षाच्या निमित्ताने बनवलेल्या भेटकार्ड पाहून मान्यवरांनी सहभागी सर्व विद्यार्थ्यांचे मनापासून कौतुक केले.शाळेतील जवळपास 143 विद्यार्थ्यांनी भेटकार्ड स्पर्धेत सहभाग नोंदवला. सुत्रसंचलन उपशिक्षक श्री पी.व्ही.कोळी यांनी केले.अभिवादन कार्यक्रमासाठी शाळेतील उपशिक्षक श्री एस.एस.पटेल,श्री पी.व्ही.कोळी,श्री उपशिक्षिका श्रीमती बी.बी.काटोळे,श्रीमती एस.जी.सोनार शिक्षकेतर कर्मचारी श्री बी.एल.पावरा,श्री ए.बी.ईशी उपस्थित होते.
