त-हाडी, वरूळ परिसरात किराणा दुकानात वाईन विक्रिस परवानगीचा निर्णय रद्द करा
ग्रामपंचायतीने ग्रामसभेचे आयोजन करून ग्रामसभेचा ठराव घ्यावा ;मराठा कुणबी पाटील समाज संस्थेचे अध्यक्ष रावसाहेब चव्हाण यांची मागणी
त-हाडी प्रतिनिधी
शिरपुर, त-हाडी व वरूळ अश्या ग्रामीण भागातील राज्य मंत्रीमंडळाने किराणा दुकानांमध्ये वाईन विक्रीचा घेतलेला निर्णय रद्द करणेसाठी व या निर्णयाला विरोध करणेसाठी आपल्या ग्रामपंचायतीचा मासिक बैठकीत ठराब घ्यावा किंवा विशेष ग्रामसभेचे आयोजन करून ग्रामसभेचा ठराव घेऊन तालुक्यातील सर्व ग्रामपंचायतींना राज्य शासनास पाठवावा असे आवाहन मराठा कुणबी पाटील समाज संस्थेचे अध्यक्ष रावसाहेब चव्हाण(त-हाडी) यांनी केले आहे. राज्य मंत्रिमंडळाने दि. २ फेब्रुवारी २०२२ रोजी राज्यातील किराणा दुकानांमध्ये बार्डन विक्रीस परवानगीसाठी चा मंत्रिमंडळ निर्णय घेतला असून सदरील निर्णय शेतकऱ्यांच्या नावाखाली शेतकऱ्यांनाच देशोधडीला लावण्याचा प्रकार आहे.
आज आपल्या ग्रामीण भागातील तरुण हा मोठ्या प्रमाणात बेरोजगार असून, त्याला रोजगार उपलब्ध करून देण्याच्या ऐवजी हा निर्णय या बेरोजगार तरुणांना नशेच्या खाईत लोटणारा ठरेल. यामुळे ग्रामीण व्यवस्था संपूर्णपणे बवळून निघण्याची शक्यता आहे. शाश्वत उत्पन्नाची कुठलीही
हमी नसलेल्या ग्रामीण भागात किराणा दुकानात वाईन उपलब्ध करून दिली तर आमच्या ग्रामीण भागातील बेरोजगार तरुण भरकटु शकतात अशी आम्हाला भीती आहे असे मराठा कुणबी पाटील समाज संस्थेचे अध्यक्ष रावसाहेब चव्हाण यांनी म्हटले आहे. आज ग्रामीण भागातील अनेक कुटुंबांचा उदरनिर्वाहासाठी झगडा सुरू आहे. अशा कुटुंबातील तरुण जर या वाइनच्या आहारी गेले, तर आमच्या ग्रामीण भागातील तरुण पिढ्यानपिढ्या वाया जातील, याचा आपण विचार करणे आवश्यक आहे.
राज्य शासनाने घेतलेला निर्णय तात्काळ मागे घ्यावा आपण आपल्या ग्रामीण भागातील ग्रामपंचायतीच्या मासिक सभेचा या निर्णयाला विरोध म्हणून ठराव किंवा विशेष ग्रामसभेचे आयोजन सर्व महिलांना ग्रामसभेमध्ये निमंत्रित करून हा निर्णय रद्द करणे बाबतचा ठराव घेऊन राज्य शासनास पाठववा अशी विनंती त-हाडी येथे मराठा कुणबी पाटील संस्थेचे अध्यक्ष रावसाहेब चव्हाण यांनी केले आहे. सदरील वाईनचा निर्णय मागे न घेतल्यास आमच्या ग्रामपंचायत हद्दीत किराणा दुकानात वाईन विक्रिस परवानगी न देणेबाबतचा उल्लेख देखील सदर मासिक सभेच्या किंवा विशेष ग्रामसभेच्या ठरावात असवा.
