आदर्श मराठी/गुजराथी विद्यामंदिरात विज्ञान सप्ताहानिमित्त विविध उपक्रमांचे आयोजन
त-हाडी
दिनांक 28 फेब्रुवारी राष्ट्रीय विज्ञान दिनानिमित्त शालेय स्तरावर दि 21 ते 28 फेब्रुवारी दरम्यान विज्ञान सप्ताह राबविण्यात आला.
निमित्त – येथील स्वातंत्र्यसैनिक गोकुळदास देसाई आदर्श मराठी
/आदर्श गुजराथी विद्यामंदिरात विज्ञान सप्ताहानिमित्त विविध उपक्रमांचे आयोजन करण्यात आले.
सर्वप्रथम थोर भारतीय शास्त्रज्ञ डॉक्टर सी व्ही रामण यांच्या प्रतिमेस पुष्पहार अर्पण करीत अभिवादन करण्यात आले.यावेळी मुख्याध्यापिका.सौ मिनाक्षी भदाणे, श्री भद्रेश त्रिवेदी, संस्थेचे समन्वयक श्री युवराज पाटील सर, विज्ञान प्रमुख श्री फकीरा माळी व शिक्षक वृंद उपस्थित होते.
प्रसंगी सौ शितल मॅडम यांनी विज्ञान दिनाचे औचित्य व महत्व सांगत डॉ सी व्ही रामण यांच्या कार्याचा विद्यार्थ्यांना परिचय करून दिला. तसेच विज्ञानाच्या साहाय्याने मानवाने कशी प्रगती साधली आहे याबद्दल मुलांना माहिती दिली. सौ माधुरी पवार यांनी सी वी रामन यांच्या जीवनाशी निगडित एक मनोरंजक गोष्ट सांगितली.
विज्ञान सप्ताहानिमित इयत्ता पहिली व दुसरी वर्ग संघात माझी पृथ्वी-माझा परिसर या विषयावर चित्रकला व पोस्टर स्पर्धा घेण्यात आली.
इयत्ता तिसरी व चौथी वर्गसंघात मुलांनी विज्ञानावर आधारित उपकरण व खेळणी बनवीत उत्स्फूर्त सहभाग नोंदविला.
मुख्याध्यापिका सौ मिनाक्षी भदाणे व भद्रेश त्रिवेदी यांनी उपकरनांची पाहणी करीत मुलांचा उत्साह वाढविला.
दरवर्षी अशा उपक्रमांतून मुलांचा वैज्ञानिक दृष्टीकोन वाढीस लागतो व मुलांना विज्ञानाची आवड निर्माण होण्यास मदत होते असे प्रतिपादन विज्ञान प्रमुख श्री फकीरा माळी यांनी केले.
कार्यक्रम यशस्वीतेसाठी सर्व शिक्षक वृंदयांनी परिश्रम घेतले.
