संगतीमुळेच जीवन घडते -ह भ प भागवत महाराज कदम
गंगाखेड- प्रतिनिधी
जीवनात संगतीला फार महत्व आहे. आपण कोणाच्या संगतीत राहतो यावरून आपल्या स्वतःच्या जीवनात बदल घडत असतात. आदर्श जीवन घडण्यासाठी आदर्श व्यक्तीमत्वाची संगत असणे गरजेचे असल्याचे मत ह भ प भागवत महाराज कदम आवलगावकर यांनी शनिवारी रोकडोबा खंडाळी येथे बोलताना व्यक्त केलं.
गंगाखेड तालुक्यातील रोकडोबा खंडाळी येथील रोहिदास शिंदे यांच्या परिवाराकडून येथील प्रसिद्ध आणि मंदिराच्या आवारात कीर्तन व महाप्रसादाचे आयोजन करण्यात आले होते. या कार्यक्रमात बोलताना ह भ प कदम महाराज म्हणाले की चांगला मिळवायच असेल तर चांगल्याची संगत करा
संगत बद्दलली की परिणाम बदलतात. आपली लहान मुले व मुली कोणाच्या संगतीत राहत आहेत हे पालकांनी लक्ष देणे गरजेचे आहे लग्नात मुलीच्या अंगावर दागिने कमी घातले तरी चालतील पण तिला तिच्या सोबत ज्ञानेश्वरी, गाथा या सारखे ग्रंथ भेट म्हणून द्यावेत अशी अपेक्षाही महाराजांनी पालकांकडून व्यक्त केली. कीर्तनास परभणी लोकसभा मतदारसंघाचे 2024 चे उमेदवार पडेगावकर , गुंजेगावचे माजी सरपंच विक्रम बाबा इंमडे यांची विशेष उपस्थिती होती. यावेळी मृदंगाचार्य उद्धव बापू शिंदे आदीसह गुणीजन मोठ्या संख्येने उपस्थित होते. कीर्तनानंतर उपस्थितांनी महाप्रसादाचा लाभ घेतला.
