पटेल प्राथमिक शाळेत महिला दिन विविध कार्यक्रमांनी साजरा
त-हाडी
शिरपूर शहरातील आर.सी.पटेल प्राथमिक शाळेत जागतिक महिला दिवस विविध कार्यक्रमांनी साजरा करण्यात आला. यावेळी विद्यालयातील शिक्षिका व महिला कर्मचाऱ्यांचा गौरव करण्यात आला.
शिरपूर शहरातील आर सी पटेल प्राथमिक शाळा येथे जागतिक महिला दिवस हा महिलांचा गौरव दिन म्हणून साजरा करण्यात आला. यावेळी विद्यालयातील महिला शिक्षिका व कर्मचाऱ्यांचा गौरव करण्यात आला. तसेच यावेळी संस्थेचे संचालक कमल किशोर भंडारी यांच्या पत्नी स्व.प्रमिला कमलकिशोर भंडारी यांचे स्मरणार्थ विशाल कमलकिशोर भंडारी यांचे कडून विद्यालयाला १६० पुस्तके भेट देण्यात आली.सदर पुस्तके भंडारी यांच्या हस्ते मुख्याध्यापक सी.डी.पाटील यांनी स्वीकारली.
कार्यक्रमाच्या वेळी विद्यालयातील इयत्ता तिसरी तील तनुज पाटील व शौर्य शुक्ला या दोन विद्यार्थ्यांचा वाढदिवस होता.त्यांचा वाढदिवस साजरा करण्यात आला. वाढदिवसानिमित्त या विद्यार्थ्यांनी विद्यालयाला पुस्तके भेट दिली. तर विद्यालयातील शिक्षिका व महिला कर्मचाऱ्यांचा मुख्याध्यापक सी डी पाटील व प्रमुख पाहुण्यांच्या हस्ते गौरव करण्यात आला.
यावेळी मोनाली सोनी यांनी विद्यार्थ्यांना योगाविषयी मार्गदर्शन केले. तसेच त्यांनी विद्यार्थ्यांसाठी असलेल्या प्राणायामांची प्रात्यक्षिकही विद्यार्थ्यांकडून करून घेतली. तसेच त्यांनी प्राणायाम व योगाचे महत्व विद्यार्थ्यांना सांगून दररोज प्राणायाम योगा करण्याचे सांगितले.
विद्यालयातील शिक्षिका सुशीला मराठे,सुवर्णा सुर्वे,उज्ज्वला पाटील,राजेश्वरी ढिवरे,संजाली शिरसाळे, पूनम सूर्यवंशी, अर्चना जोशी,संगीता चव्हाण,शुभांगी बाविस्कर व वैशाली बारी यांच्यासह कीर्ती पाठक, यशोदा पाटील, यांचा मुख्याध्यापक सी.डी.पाटील यांच्या हस्ते गौरव करण्यात आला.
कार्यक्रमाला विशाल कमलकिशोर भंडारी,मुख्याध्यापक सी.डी.पाटील,मोनाली सोनी, वंदना भंडारी,दिशा भंडारी ,आदी सोनी आदी उपस्थित होते.कार्यक्रमाचे प्रास्ताविक सी.डी.पाटील यांनी तर सूत्रसंचालन विवेकानंद ठाकरे यांनी केले.
