आदर्श मराठी व गुजराती विद्यामंदिरात महिला दिनी सावित्रीच्या लेकिंचा सन्मान
नंदुरबार- येथील स्वा. सै. श्री.गोकुळदास देसाई आदर्श मराठी व गुजराती विद्यामंदिरात जागतिक महिला दिनी विविध उपक्रम घेण्यात आले.याप्रसंगी प्रमुख पाहुणे म्हणून श्रीमती हि. गो. श्रॉफ हायस्कुलच्या ज्येष्ठ शिक्षिका सौ.गीता महाजन तर अध्यक्ष म्हणून शाळेच्या मुख्याध्यापिका सौ.मिनाक्षी भदाणे तथा गुजराती विभागाचे मुख्याध्यापक श्री.भद्रेश त्रिवेदी सर,संस्थेचे समन्वयक श्री.युवराज पाटील सर हे उपस्थित होते.
सरस्वती पूजन व दीपप्रज्वलन करून कार्यक्रमाची सुरुवात करण्यात आली होती.शाळेतील महिला शिक्षिका तथा महिला शिक्षकेतर कर्मचारी यांचा मान्यवरांच्या हस्ते लेखणी देऊन गौरव करण्यात आला.यावेळी शालेय विज्ञान प्रदर्शनातील यश संपादन केलेल्या विद्यार्थ्यांना देखील बक्षीस देऊन गौरविण्यात आले.
इ.४ थी च्या वर्गसंघाकडून नवदुर्गा हा कार्यक्रम घेण्यात आला.सौ.रागिणी मॅडम यांच्या मार्गदर्शनाखाली मनाली मराठे,किंजल चौधरी,अक्षता पाटील,टीना चौधरी,अनन्या निकम,वैष्णवी पतंगपुरे, हिताक्षी सोनगडा, शांभवी कुलकर्णी,ज्ञानदा चौधरी या विद्यार्थिनींनी सहभाग नोंदवला.
तसेच इ.३री वर्गसंघाच्या वतीने तू आई,तू ताई हा नृत्य अविष्कार सादर करण्यात आला.सौ.कोमल वसईकर मॅडम यांच्या मार्गदर्शनाखाली छावणी चौधरी,गुंजन वसईकर,आराद्या चौधरी,हिताक्षी तमखाने,मानसी चित्ते,हर्षदा साळुंखे,दुर्वा राजपूत,समता महाजन,स्नेहल पवार,आरोही रायते,स्वरा सटाणकर या विद्यार्थिनींनी सहभाग नोंदवला.तसेच हाच नृत्य अविष्कार लायन्स क्लब यांच्या नेहरू चौकातील कार्यक्रमात देखील सादर करण्यात आला.
इ.२री वर्गसंघातील कार्तिकी महाजन,आर्या माळी, जीविका माळी, निधी देवरे,सृष्टी कासार,तन्वी मराठे,मधुरा पाटील या विद्यार्थिनी विविध वेशभूषेत हजर होते.
इ.१ ली वर्गसंघाच्या वतीने शिक्षिका सौ.माधुरी पवार यांनी मनोगत व्यक्त केले,तर सौ.वंदना देवरे यांनी आई वरील कविता सादर केली.अध्यक्षीय मनोगतातून मुख्याध्यापिका सौ मिनाक्षी भदाणे यांनी विद्यर्थिनींनी भविष्यात कुठल्या गोष्टीच्या माध्यमातून प्रगती साधली पाहिजे याचे प्रतिपादन केले.
याप्रसंगी सूत्रसंचालन श्री.निलेश बागुल यांनी केले,तर आभार श्री.मनोज वानखेडे यांनी मानले.कार्यक्रम यशस्वीतेसाठी श्री.प्रमोद खैरनार,श्री.फकिरा माळी, श्री.तुषार सोनवणे,श्री.विनोद बोरसे,श्री.सतिष पाटील,श्री.हरिष चौधरी,श्री.अशोक सोनार,श्री.नितेश नाथजोगी, सौ. शितल अजबे ,सौ श्रृती शिंदे , श्री.अशोक गोहिल, श्री निखील गोंधळी यांचे सहकार्य लाभले.
