डॉ.दिलीपराव येळगावकर जपणार श्रद्धेचा पारंपरिक वारसा
आज रात्री चावडी चौकात सुश्राव्य भारुड भजनाचा कार्यक्रम
मायणी :- सतीश डोंगरे
मायणी याठिकाणी श्री संत यशवंतबाबा यात्रा व मातोश्री संत सरुताई माऊली यांच्या प्रकटदिन या आध्यात्मिक सोहळ्याचे सर्वत्र आकर्षण आहे. श्री यशवंतबाबा यांच्या यात्रेचा आज भंडारा. सालाबादप्रमाणे यशवंतबाबा यांच्या यात्रेनिम्मित आज रात्री बाबांची पालखी गाव प्रदिक्षणेसाठी निघते. पारंपरिक मानाप्रमाणे माजी आमदार दिलीपराव येळगावकर यांच्या निवासस्थानी पालखी काही काळ विसावा करत असते. त्यानंतर पुढील प्रदिक्षणेसाठी निघते. विठ्ठल रुक्मिणी यांचे दर्शन घेऊन पुन्हा डॉ.येळगावकर यांच्या निवासस्थानी पहाटे पर्यंत थांबून पुन्हा मंदिराकडे परतते.
ही परंपरा वर्षानुवर्षे चालत आली असून दोन वर्षांपासून कोरोनामुळे सर्व सार्वजनिक कार्यक्रमांवर बंदी असल्याने धार्मिक विधी व्यतिरिक्त कोणतेही अध्यात्मिक कार्यक्रम पार पडले नाहीत. यंदा निर्बंधांच्या शिथीलतेमुळे ट्रस्ट कडून श्री संत यशवंतबाबा मंदिरात पारायण व अखंड हरिनाम सप्ताह आयोजित केला गेला आहे.
त्याचबरोबर ‘क’ वर्ग देवस्थान दर्जा असलेल्या मायणी संत नगरीस गतवैभव प्राप्त करून देण्यासाठी ब्रम्हीभूत सद्.यशवंतबाबा पुण्यतिथीनिमित्त व संत. सद्. मातोश्री सरुताई माऊली प्रकटदिनानिमित्त आज बुधवार दि.२३/०३/२०२२ रोजी रात्री १० वा.ते पहाटे २ वा. पर्यत चावडी चौक,मायणी याठिकाणी माजी आमदार डॉ दिलीपराव येळगावकर यांनी सुश्राव्य भारुडी भजन व संगीत भजनाचा कार्यक्रम आयोजित केल्याची माहिती
संयोजक . मा. आ. डॉ. दिलीपरावजी येळगांवकर युवा मंच, मायणी यांचेकडून देण्यात आली आहे.या कार्यक्रमाचा सर्वांनी लाभ घ्यावा असे आवाहनही युवा मंच कडून करण्यात आले आहे.
