शिरपुर विवाह समारंभांना हजेरी लावताना लोकप्रतिनिधींची होतेय दमछाक
त-हाडी प्रतिनिधी
शिरपुर तालुक्यात व त-हाडी परिसरात वधू-वरांकडील मंडळीचा उपस्थितीचा वाढला आग्रह आणि वाढत्या तापमानात शिरपुर तालुक्यात विवाह समारंभाची मोठ्या थाटामाटात लगबग सुरू आहे. या विवाह समारंभांना उपस्थित राहण्यासाठी लोकप्रतिनिधी मंडळींची अक्षरश: दमछाक होताना दिसत आहे.
शिरपुर तालुक्यातील प्रत्येक गावात एकाच दिवशी आठ ते दहा विवाह होत आहेत. या विवाह समारंभात राजकीय पुढारी यांनी उपस्थित राहिले पाहिजे, यासाठी वधू व वराचे आई-वडील राजकीय नेते मंडळींना विनंती करीत आहेत. राजकीय पुढाऱ्यांना त्यांचा हा अट्टहास मोडता येत नाही त्यामुळे दिवसभरात जमेल तेवढ्या समारंभास विविध पक्षांचे नेते भेट देताना पाहावयास मिळत आहेत. खासदार, आमदार, नगराध्यक्ष, जिल्हा परिषद सदस्य,सभापती,सरपंच पंचायत समिती सदस्य, नगरसेवक विविध पक्षांचे पदाधिकारी यांची चांगलीच पंचाईत होत आहे.विवाह समारंभाचा धूमधडाका सुरू असतानाच सूर्य आग ओकत आहे. शिरपुर तालुक्यातील तापमान ४१ ते ४२ अंशांच्या घरात गेले आहे त्यामुळे अशा कडक उन्हात विवाह समारंभात अनेकांना उन्हाचा तडाखा बसत आहे.
एकाच दिवशी नेत्यांना १५ ते २० विवाह पत्रिका येत आहेत. त्यामुळे नेतेमंडळी विवाहाच्या दिवशी सकाळी घराबाहेर पडून जमेल तशी उपस्थिती लावण्याचा प्रयत्न करत आहेत. काही ठिकाणी स्वयंपाक सुरू असताना तर काही ठिकाणी परतण्याच्या वेळी काही ठिकाणी विवाह लावण्याच्या वेळी व काही ठिकाणी विवाह सुरु व संपण्याच्या वेळी हजेरी लावत आहेत. तथापि, यातून जनसंपर्क वाढविण्याचा प्रयत्नही होत आहे.
▪️”” लग्नसराईचा हंगाम सगळीकडे सध्या धूमधडाक्यात सुरू आहे. दोन वर्षे कोरोनामुळे लग्न सोहळ्यावर निर्बंध होते. मात्र, सर्व निर्बंध शासनाने उठविल्याने लग्न सोहळे धूमधडाक्यात साजरे होत आहेत. कार्यकर्त्यांच्या आग्रह खातर लग्न सोहळ्यासाठी आवर्जून जावे लागते. वेळेवर जाता आले नाही तरी हजेरी लावावीच लागत आहे.
त-हाडी ग्रामपंचायत लोकनियुक्त सरपंच, जयश्री धनगर यांनी सांगितले
