त-हाडी
उन्हाची तीव्रता वाढल्याने याचा फटका भाजीपाला पिकाला बसला आहे. यामुळे भाजीपाल्याची आवक घटल्याने बाजारात भाजीपाल्याचे दर वाढले आहेत. त्यामुळे ग्रामीण भागातील गृहणीचे किचनचे गणित कोलमडले आहेत.
बटाटे, वांगे, टमाटे, मिरची, आद्रक,कोथिंबीर,भेंडीसह सगळ्याच भाज्यांचे दर वाढले आहेत. दरवर्षी भाजीपाल्याचे दर उन्हाळ्यात वधारले असतात. यंदा मात्र मुबलक पाणीसाठा असूनही दर वाढले आहेत.
उन्हाळ्याच्या सुरवातीला एक दोन महिने भाजीपाल्याचे दर समाधानकारक असतात. मात्र सध्या शेतकरीवर्ग खरीपपूर्व हंगामाची तयारीला लागला असून यात काही शेतकऱ्यांनी थोड्याफार प्रमाणात भाजीपाला लागवडीतून कमाई करून उन्हाळ्याच्या शेवटी मिळेल तेवढे उत्पन्न काढून शेतकरी खरीपपूर्व मशागतीसाठी शेत खाली करून मशागतीची कामे उरकून घेत आहेत. स्थानिक ठिकाणी व जिल्ह्यातुन भाजीपाल्याची आवक घटल्याने सध्या भाजीपाल्याचे दर गगनाला भिडले आहेत.
(चौकट साठी)
मार्केट मध्ये भाजीपाल्याची आवक घटल्याने प्रत्येक भाज्यांचे दर वाढले आहेत.मेथी, पालक सह इतर पालेभाज्याची आवक मागच्या महिन्यात
चांगली होती. म्हणून पालेभाज्याचे दर कमी होते. मात्र सध्या आवक मोठ्या प्रमाणात घटल्याने भाव वाढलेले आहेत.आणखी पंधरा ते वीस दिवस भावात तेजी राहील असा अंदाज भाजीविक्रेत्याकडून सांगण्यात आले.पालेभाज्यांसह वांगे, बटाटे, मिर्ची, काकडी, फ्लावर, आदी भाज्यांचे दर वाढले आहेत.
【 गृहिणी म्हणतात, बजेट बिघडले 】
१) किराणा, दूध, भाजीपाला,गॅस, आदी सर्वच वाढल्याने किचनचे बजेट बिघडले आहेत.काय खरेदी करावे काय खरेदी करू नये, हे उमजत नाही.सगळेच भाव वाढल्याने गृहणीसमोर मोठा प्रश्न आहे.
२) गॅस महागल्यामुळे यापूर्वीच किचनचे बजेट बिघडले आहेत.किराणा सामानाचे ही दर वाढलेले आहेत.बाजारात सध्या काहीच स्वस्त नाही.महागाईने कळस गाठला आहे.असे अनेक महिलांकडून ऐकायला मिळत आहे.
भाज्यांचे दर प्रतिकिलो
बटाटे – २५ रुपये किलो
गवार – ४० रुपये किलो
लाल कांदा – १० रुपये किलो
वांगे – ४० रुपये किलो
शेवगा – ४० रुपये किलो
टमाटे – ४० रुपये किलो
भेंडी – ४० रुपये किलो
काकडी – ३० रुपये किलो
कोथिंबीर – ५ व १० रुपये जुडी
