सोनवद धरणावरील पाणीपुरवठा योजनांची दुरुस्ती करून सौर यंत्रणा बसवा प्रकाश पाटील*
डोंगरगाव (प्रतिनिधी )आर आर पाटील
शिंदखेडा तालुक्यातील डोंगरगाव जवळ महाराष्ट्र शासनाने कोट्यावधी रुपये खर्चून सोनगीर सह 18 गावे पाणीपुरवठा योजना, कापडणे पाणीपुरवठा योजना इत्यादी बर्‍याच वर्षापासून कार्यान्वित केलेल्याआहेत या योजनांमुळे पिण्याच्या पाण्याचा व वापराच्या पाण्याचा प्रश्न बऱ्याच गावांचा सुटत होता परंतु मागील बऱ्याच वर्षापासून जास्तीच्या विज बिल अ भावी व वीज बिल पाणीपट्टी वसुली नसल्याने व न भरल्यामुळे या योजना बंद आहेत
आता उन्हाळा असल्याने ग्रामस्थांचे पाण्यासाठी हाल होत आहे काही ठिकाणी या योजनांच्या पाईपलाईन लिकेज झालेले आहेत व तुटलेल्या आहेत पंपसेट काही प्रमाणात नादुरुस्त आहेत यांची दुरुस्ती व्हावी शासनाचे वीजबिल परवडत नसल्याने या प्रकल्पाच्या जवळच असलेल्या डोंगरावर सौर ऊर्जेचे साधनांची निर्मिती करावी जेणेकरून वीज भरण्याची कटकट राहणार नाही व पाईप लाईन दुरुस्ती झाल्यानंतर नागरिकांना सतत कायम सुरळीत पाणी मिळेल म्हणून शासनाने वरील दोन्ही गोष्टींची तातडीने दखल घेऊन या परिसरातील नागरिकांचा पाण्याचा कायमस्वरूपी प्रश्न सोडवावा अशी मागणी धुळे व नंदूरबार जिल्हा डी ड़ी सी बँकेचे माजी संचालक प्रकाश पाटील यांनी शासनाकडे केलेलीआहे
