सी.एस.सी सेंटरच्या नावाखाली तरुणांची फसवणूक
आटपाडी प्रतिनिधी
शासकीय योजना व इतर कामासाठी सर्व कागदपत्रे ऑनलाइन भरावी लागतात तर तरुणांना नोकरी मिळत नसल्याने, अनेक तरुणांनी उपजीविका भागवण्यासाठी सीएससी सेंटर सुरू केली आहेत. व त्याद्वारे विविध प्रकारचे अर्ज भरणे ,विविध योजना ची माहिती भरणे, शासकीय विविध योजना साठी माहिती भरणे अशी कामे सीएससी सेंटर मधून केली जातात.
परंतु आटपाडी तालुक्यांमध्ये सीएससी सेंटर मंजूर करून देतो म्हणून अनेक तरुणांची फसवणूक होत आहे .यामध्ये कंपनीचे अधिकारी सीएससी सेंटर मंजूर करून देण्याच्या उद्देशाने अनेक तरुणांची आर्थिक फसवणूक करीत आहेत. सीएससी सेंटर मिळण्यासाठी अनेक वेळा ऑनलाईन कागदपत्रे भरून सुध्दा सीएससी सेंटरला मंजुरी मिळत नाही. आर्थिक देवाण-घेवाण करतात, त्यांना मात्र ताबडतोब सेंटरची मंजुरी मिळते.
तालुक्यामधील सर्व ग्रामपंचायत मध्ये सीएससी सेंटर आहेत. परंतु ग्रामपंचायत व्यतिरिक्त अनेक तरुणांना नोकरी, व्यवसाय नसल्याने किंवा स्वतःची उपजीविका भागवण्यासाठी सीएससी सेंटर सुरू केले आहेत . सी एस सी सेंटर सुरू करण्याच्या सर्व नियम अटीमध्ये बसत असताना सुद्धा जाणून-बुजून सीएस सी सेंटर ची परवानगी देत नाहीत.
तालुक्यातील अनेक ठिकाणी तरुणांनी सीएससी सेंटर सुरू करण्यासाठी एप्लीकेशन केले आहेत. परंतु सीएस्सी सेंटरची परवानगी देणारे अधिकारी या तरुणांची पिळवणूक, फसवणूक करीत आहेत. आर्थिक लूट करत आहेत. जो कोणी आर्थिक तडजोड करत नाही त्याचे सीएससी सेंटर रद्द केले जाते.तालुक्यांमध्ये असे अनेक प्रकार घडले आहेत .
तरी संबंधित अधिकाऱ्यांनी याची चौकशी करून तरुणांना न्याय मिळवून द्यावा.व संबंधित अधिकाऱ्यावर कारवाही करावी अशी मागणी तरुणांच्याकडून होत आहे.
फोटो – लोगो
