टेकवाडे प्राथमिक शाळेत शैक्षणिक साहित्य प्रदर्शन संपन्न
त-हाडी
शिरपूर तालुक्यातील आर.सी.पटेल मरा ठी प्राथमिक शाळा टेकवाडे येथे इयत्ता बालवाडी ते 4 थी च्या विद्यार्थ्यांना अभ्यासक्रमातील संकल्पना सोप्या पध्दतीत समजावता याव्यात यासाठी शाळेतील सर्व शिक्षकांनी शैक्षणिक साहित्याची निर्मिती केली त्या साहित्याचे प्रदर्शन शालेय स्तरावर भरवण्यात आले.सदर कार्यक्रमाच्या अध्यक्ष्यस्थानी टेकवाडे गावाचे वि.का.सोसायटी चेअरमन श्री विजू आबा चौधरी हे होते
तर प्रमुख अतिथी म्हणून शालेय व्यवस्थापन समिती उपाध्यक्ष श्री कृष्णा वाडीले, सामाजिक कार्यकर्ते श्री दिलीप वानखेडे,प्राचार्य श्री किशोर जोशी,पर्यवेक्षक श्री के.बी.चौधरी शालेय व्यवस्थापन शिक्षण तज्ञ सदस्य प्रा.श्री एस.एम.पाटील.उपस्थित होते
मुख्याध्यापक श्री आर.बी.खोंडे यांनी आपल्या प्रास्तविकातून शैक्षणिक साहित्याचे अध्यापनातील
महत्व व उद्देश व त्यातून विद्यार्थ्यांना होणारे फायदे उपस्थित पालक व मान्यवरांना समजावून सांगितले त्यानंतर उपस्थित मान्यवरांचा शाळेच्या वतीने सत्कार करण्यात आला.सर्व मान्यवरांनी शिक्षकांनी तयार केलेल्या साहित्याची पाहणी केली.व शिक्षकांनी तयार केलेले साहित्य पाहून शिक्षकांचे मनापासून कौतुक केले. कार्यक्रमाचे सुत्रसंचलन उपशिक्षक श्री अनिल माळी यांनी केले.तर आभार उपशिक्षक श्री संजय पटेल यांनी मानले.
कार्यक्रम यशस्वीतेसाठी सहशालेय उपक्रम समिती प्रमुख उपशिक्षिका श्रीमती जे.पी.पाटील, बालवाडी शिक्षिका श्रीमती एस.जी.सोनार शिक्षकेतर कर्मचारी श्री बी.एल.पावरा,श्री ए.बी.ईशी यांनी परिश्रम घेतले.
