आदिवासी धनगर चौथे दोन दिवशीय साहित्य संमेलन सांगोला येथे
आटपाडी: प्रतिनिधी
सागोलाचे दिवंगत माजी आमदार गणपतराव देशमुख यांच्या स्मरणार्थ आदिवासी धनगर चौथे दोन दिवशीय साहित्य संमेलन सांगोला ( जि. सोलापूर ) येथे शनिवार व रविवारी ( दि.23 व 24 जुलै ) आयोजित केले असल्याची माहिती या साहित्य संमेलनाचे अध्यक्ष प्रा.आर.एस.चोपडे यांनी पत्रकार परिषदेत दिली.
या साहित्य संमेलनात केंद्रीय मंत्री नितीन गडकरी दिल्ली प्रदेशचे मुख्यमंत्री अरविंद केजरीवाल,प्रख्यात लेखक संजय सोनवणी,मुरहरी केळे, प्रा.यशपाल भिंगे,डॉ.अरुण गावडे,आण्णासाहेब डांगे, राम शिंदे,माजी आमदार रामराव वडकुते,हरिदास भदे, आमदार गोपीचंद पडळकर, दत्तात्रय भरणे,प्रणिती शिंदे इत्यादी विविध क्षेत्रातील मान्यवरांची उपस्थित राहणार आहेत.
प्रा.चोपडे पुढे म्हणाले की,या संमेलनात ग्रंथ दिंडी, कवीसंमेलन,प्रबोधनपर व्याख्याने यासह विविध असे कार्यक्रम आयोजित करण्यात आलेले आहेत,
या सम्मेलनास राज्यातून सुमारे चाळीस हजार पेक्षा जास्त विविध क्षेत्रातील मान्यवर उपस्थित राहणार आहेत.
शनिवारी सकाळी नऊ ते अकरा वाजेपर्यंत साहित्य दिंडीचा कार्यक्रम आहे या दिंडीमध्ये चाळीस सजवलेले रथ, ऐतिहासिक वेश भूषा धारण केलेले विद्यार्थी, शिक्षक कलाकार सहभागी होणार आहेत. याबरोबरच दिंडीमध्ये धनगर जमातीचा इतिहास,धर्म,संस्कृति, साहित्य रूढी,परंपरा,चाली रीती,शैक्षणिक प्रबोधन रथ, सजीव देखावे भजनी मंडळ यासह लेझीम व गजी ढोल सामुहित पारंपारिक नृत्य पथकाचाही समावेश राहणार आहे.
साहित्य नागरीचे नाव ‘संत बाळूमामा नगरी’ असे नाव देण्यात येणार आहे. तसेच ग्रंथ दालनाचे नाव ‘संत कनकदास नगरी’, साहित्य पीठास ‘कवी कालिदास पीठ’ असे नाव देण्यात येणार आहे.
यावेळी नवीन सहित्यीकांच्या साहित्याचे प्रकाशन होणार आहे. यावेळी मान्यवरांच्याहस्ते विविध क्षेत्रात उत्कृष्ट कार्य केलेल्या दहाजणांना पुरस्कार देण्यात येणार आहेत.दुपारी तिन ते सायंकाळी पाच या वेळेत भव्य सांस्कृतिक कार्यक्रम संपन्न होताच धनगर साहित्याचा विविध क्षेत्रावर होणारा परिणाम या विषयावर वक्ते राम लांडे यांचे व्याख्यान त्यानंतर लेखक नवनाथ गोरे,प्रा. मुकुंद वलेकर यांचे “धनगर सारा एक”या विषयावर इतिहास तज्ञ व लेखक संजय सोनवानी यांचे व्याख्यान संपन्न होताच रात्री दहा पर्यंत कवी संमेलन होणार आहे. या कवी संमेलनाचे अध्यक्षपद शिवाजी बंडगर हे भूषविणार आहेत.
रविवार (दि.24 )सकाळी नऊ ते साडेचार पर्यंत विविध विषयांवरती परिसवांद चर्चा सत्र अणि व्याख्याने झाल्यानंतर या साहित्य संमेलनाचा समारोप सोहळा सांयकाळी पाच ते सात या वेळेत होणार आहे. या साहित्य संमेलनाचे संस्थापक अध्यक्ष डॉ अभिमन्यू टकले हे ठराव मांडतील.
.
