अतिवृष्टीमुळे डोंगरगाव परिसरात पिकांचे नुकसान भरपाईची मागणी. *.
डोंगरगाव ( प्रतिनिधी ) आर आर पाटील. _
डोंगरगाव आणि परिसरात गेल्या दीड महिन्याभरापासून फार मोठे पाऊस झालेत मागील महिन्यात ढग फुटी,,सदृश्य मोठा पाऊस झाला त्यामुळे येथील असलेल्या सोनवद धरणात मोठ्या प्रमाणात जलसाठा तयार झाला परिसरात शंभर टक्के विहिरी जमीन लेव्हलपर्यंत परिपूर्ण भरून वाहू लागल्या आहेत
दैनंदिन पाऊस वर पाऊस सुरूच आहे सोनवद धरण असल्याकारणाने या परिसरात मे महिन्यातच कापूस पिकाचा उतारा केलेला आहे त्या पिकांना आता बोंडे लागन्यास सुरुवात झालेली आहे काही पावसाच्या आधारावर कापूस लावनी व इतर पिकांची पेरणी झालेली आहे परंतु सततच्या पावसामुळे लहान व मोठ्या कापूस व इतर सर्व पिके पिवळी पडायला सुरुवात झालेली असून हातातून जाण्याची स्पष्ट चिन्हे दिसत आहेत बऱ्याच शेतातील पिके परिपूर्ण नष्ट झालेले आहेत
अति पावसामुळे अतिवृष्टीमुळे जमिनीची सुपीक माती देखील वाहून गेलेली आहे व गवताची निर्मिती मोठ्या प्रमाणात झालेली असून या नीदणीसाठी शेतकऱ्यांना फार मोठा आर्थिक फटका बसत असून देखील पुन्हा पुन्हा पाऊस येत असल्याने शेतांमध्ये गवताचे कुराणच तयार झालेले आहे
एकंदरीत या परिसरात यावर्षी अतिवृष्टीमुळे शेतकरी वर्गाचे मोठे नुकसान झालेले आहे म्हणून शासनाने तातडीने पंचनामे करण्याचे आदेश काढून रीतसर शेतकऱ्यांना तातडीने आर्थिक मोबदला द्यावा अशी मागणी परिसरातील शेतकरी वर्ग व जिल्हा बँकेचे माजी संचालक प्रकाश पाटील यांनी शासनाकडे केलेली आहे
