यंदा कापसाचे दर राहतील कमाल आठ हजार ?
कापूस पेरा वाढला , मक्का पिकाकडे अनेकांनी फिरवली पाठ !
त-हाडी ( प्रतिनिधी )दि २४
: गेल्या वर्षी पाच दशकांनंतर गत हंगामात कापसाला चढलेली चकाकी येत्या हंगामात कमी होईल असे चित्र निर्माण होत असून सर्वत्र कापूस पेरा वाढला असून मक्का पिकाकडे अनेकांनी पाठ फिरवली असल्याने या वर्षी कापूस पिकाचे वाढते उत्पन्न व आंतरराष्ट्रीय बाजारातील कापसाचे दर काही मोजक्याच उद्योगपतींच्या हातात असल्याचे दरवर्षीचे चित्र आहे. यामुळे यंदा मक्का भाव खाणार असे दिसते .
महाराष्ट्र भरातील कापूस पूर्वी पर राज्यात जायचा तेंव्हा अनेक पर राज्यातील उद्योगपतीने खान्देश सह अनेक भागात जिनींग कॉटन उद्योग सुरू करत मोठ मोठे कापूस खरेदी व पणन करून गाठी बनवून वस्त्र उद्योगाकडे पुरवल्या परंतु यामुळे परिसरातील व्यापाऱ्यानी कापूस दर उतरत कापूस या उद्योगपतींच्या घशात घातला हा वाईट अनुभव शेतकर्‍यांना आल्याने कापूस पेरा घटला होता गत पाच दशकानंतर प्रथमच गेल्या वर्षी कापसाला मिळालेल्या दराने वाढलेल्या शेतकऱ्यांच्या अपेक्षा मात्र यावर्षी भंग पावतील अशी भिती जानकार व्यक्त करत आहे . विश्वसनीय सूत्रांनी दिलेल्या माहितीनुसार यंदा कापसाला हमीभावापेक्षा कमी दर मिळणार नाहीत; तर विक्रमी दरदेखील मिळणार नाहीत.
लांब धाग्याचा कापूस ७ ते ८ हजार रुपयात खेळणार असून, आखूड धाग्याचा कापूस हमीभाव घेईल.
सप्टेंबरमधील सौदे ३५ ते ४० टक्क्याने कमी असून, नोव्हेंबर – डिसेंबरमधील सौदे देखील कमी होत आहे. आंतरराष्ट्रीय बाजार मंदीत तर सूत निर्मात्या कंपन्यादेखील पॉलिस्टर धाग्याकडे वळल्या आहेत. त्यामुळे कापसाच्या मागणीत घट येऊन त्याचा परिणाम दरावर पडेल, असे सूत्रांचे म्हणणे आहे.
गत हंगामात कापसाला मिळालेल्या विक्रमी दराने शेतकऱ्यांच्या आशा पल्लवित होऊन त्यांनी कापसाच्या क्षेत्रात वाढ केली. जिल्ह्यात गतवर्षीच्या तुलनेत यंदा जवळपास ३० – ३५ हजार हेक्टर कापसाचे क्षेत्र वाढलेले दिसत आहे. प्रत्येक जिल्ह्यात यंदा कापसाच्या पेऱ्यात कमालीची वाढ झाली आहे . शेतकऱ्यांना गतवर्षीच्या दराची अपेक्षा असल्याने कापसाखालील क्षेत्र वाढल्याचे कुणीही नाकारू शकत नाही.
तथापि, शेतमालाच्या किमती कधी स्थिर राहत नसल्याचे अनुभवदेखील शेतकऱ्यांच्या पाठीशी आहेत. यामध्ये कापसाचे दर आंतरराष्ट्रीय बाजारातील काही मोजक्याच उद्योगपतींच्या हातात असल्याचे दरवर्षीचे चित्र आहे. तर दुसरी कडे कापूस पेरा वाढला व मक्का पिक्का कडे अनेकांनी पाठ फिरवली असल्याने मक्का भाव खाणार असे दिसत आहे .
