भोरखेडा पटेल विद्यालयात देशभक्तीपर नृत्य स्पर्धा संपन्न
त-हाडी
आर.सी.पटेल माध्यमिक व उच्च माध्यमिक विद्यालय भोरखेडा येथे ‘आजादी का अमृत महोत्सव’ निमित्ताने देशभक्तीपर नृत्य स्पर्धा संपन्न झाली. कार्यक्रमाच्या अध्यक्षस्थानी भोरखेड्याचे सरपंच दिपक गुलचंद भील होते.तर प्रमुख पाहुणे म्हणून थाळनेर पोलिस ठाण्याचे API श्री.उमेशजी बोरसे साहेब, भूपेंद्र चंद्रसिंग राजपूत, रघुनाथ भिलेसिंग जमादार,माजी सरपंच योगेंद्र भगवान सिंग राजपूत, आधार रामसिंग राजपूत,भाटपुरा सरपंच श्रावण चव्हाण,पोलीस पाटील एकनाथ उदयसिंग राठोड,प्रवीण एकनाथ राजपूत,सचिन सत्तरसिंग जमादार, सत्तरसिंग सरदार सिंग राजपूत,पत्रकार राहुल ईशी,उपसरपंच भाटपुरा प्रशांत राजपूत, रघुनाथ राठोड,असलीचे माजी सरपंच उखडू गुलाब कोळी प्राचार्य आर.एफ.शिरसाठ, पर्यवेक्षक पी.व्ही.पाटील, प्राथमिकचे मुख्याध्यापक ईश्वर पाटील उपस्थित होते.
थाळनेर पोलीस स्टेशनचे ए.पी.आय. माननीय श्री उमेशजी बोरसे यांच्या हस्ते दीपप्रज्वलन होऊन देशभक्तीपर नृत्य स्पर्धा कार्यक्रमाची औपचारिक सुरुवात करण्यात आली. इयत्ता पाचवी ते बारावीच्या 140 विद्यार्थ्यांनी देशभक्तीपर नृत्य स्पर्धेत सहभाग नोंदवला. दोन गटात पार पडलेल्या या स्पर्धेत प्रथम लहान गटात प्रथम क्रमांक इयत्ता सहावी व सातवीच्या विद्यार्थ्यांचा देशभक्तीपर मिक्स गीतांना देण्यात आला
.द्वितीय क्रमांक सहावीच्या विद्यार्थ्यांचे वंदे मातरम व देश रंगीला या गाण्यांना विभागून देण्यात आला तर तृतीय क्रमांक इयत्ता आठवीच्या गांधी गीताने पटकावला. तर मोठ्या गटात प्रथम क्रमांक इयत्ता इयत्ता आठवीच्या मिलिटरी सॉंग ला देण्यात आला. तर द्वितीय क्रमांक जुनियर कॉलेजच्या विद्यार्थिनींनी सादर केलेल्या भारत की बेटी या गाण्याला तर तृतीय क्रमांक दहावीच्या विद्यार्थिनींच्या केसरी साॅंगला व नववीच्या विद्यार्थिनींच्या हे मेरे वतन या गाण्याला विभागून देण्यात आला. ए.पी.आय.उमेशजी बोरसे यांनी विद्यार्थ्यांना देशप्रेमाबरोबर जीवनात यशस्वी होण्यासाठीचे सूत्र सांगितले. तसेच शाखेचे प्राचार्य श्री.आर.एफ.शिरसाठ यांनी विद्यार्थ्यांना अभ्यासाबरोबरच सर्वांगीण विकास कसा महत्वपूर्ण असल्याबाबत मार्गदर्शन केले.
कार्यक्रमाच्या प्रास्ताविकातून पर्यवेक्षक श्री.पी.व्ही पाटील यांनी शाळेच्या गुणवत्तेचा आलेख मांडला.
कार्यक्रमाचे सूत्रसंचालन श्री.एस.आर.देसले व श्रीमती डी.पी.निकम यांनी केले.तर एन.एस.एस. कार्यक्रम अधिकारी श्री.एन.वाय.बोरसे यांनी आभार मानले. देशभक्तीपर नृत्य स्पर्धेच्या कार्यक्रमाचे परीक्षक म्हणून श्री.व्ही.एस.इशी, श्री.एन.वाय.बोरसे,श्री.ईश्वर पाटील, श्रीमती एम.टी.पटेल, यांनी काम पाहिले. कार्यक्रम यशस्वीतेसाठी सर्व शिक्षक शिक्षिका व शिक्षकेतर कर्मचारी यांचे सहकार्य लाभले
