टेकवाडे येथे स्वातंत्र्याचा अमृत महोत्सव निमित्त वेशभुषा स्पर्धा
त-हाडी
शिरपूर तालुक्यातील आर.सी.पटेल मरा ठी प्राथमिक शाळा टेकवाडे येथे इयत्ता बालवाडी ते ४ थी च्या विद्यार्थ्यांसाठी स्वातंत्र्याचा अमृत महोत्सव कार्यक्रम सर्व जनतेपर्यंत पोहचवून त्याबाबत जनजागृती व्हावी यासाठी गीतगायन स्पर्धेचे आयोजन करण्यात आले होते. कार्यक्रमाच्या अध्यक्ष्यस्थानी माता पालक संघाच्या उपाध्यक्षा मनिषा भोई तर प्रमुख अतिथी म्हणून शालेय व्यवस्थापन समिती सदस्या उज्ज्वला पारधी,रूपाली सोनार,पालक प्रतिनिधी दामिनी शिरसाठ,संगिता ढोले,पुजा सोनार,रजनी कढरे,रजूबाई धनगर उपस्थित होते.मुख्याध्यापक आर.बी.खोंडे यांनी आपल्या प्रास्तविकातून स्वातंत्र्याचा अमृत महोत्सव या कार्यक्रमाचे
महत्व व उद्देश व पूर्ण आठवड्यात शाळेत होणारे कार्यक्रम तसेच गीतगायन स्पर्धा याबाबत उपस्थित पालक व मान्यवरांना माहिती दिली त्यानंतर उपस्थित मान्यवरांचा शाळेच्या वतीने सत्कार करण्यात आला.
सर्व मान्यवरांनी भारत माता यांच्या प्रतिमेचे पुजन केले त्यानंतर विद्यार्थ्यांनी देशभक्तीपर समुहगीत व वैयक्तिक देशभक्तीपर गाणे सादर करून उपस्थित मान्यवरांची मने जिंकली विद्यार्थ्यांनी सुंदर गाण्यांचे सादरीकरण केले.उत्कृष्ट सादरीकरणासाठी मान्यवरांच्या हस्ते काही विद्यार्थ्यांना बक्षीसे देवून सन्मानित करण्यात आले.
गावातील विविध संस्थाचे पदाधिकारी,ग्रामस्थ,पालक बंधू भगिनी मोठ्या संख्येने सहभागी झाले. सुत्रसंचलन उपशिक्षिका जयश्री पाटील यांनी केले.तर आभार उपशिक्षिका संजय पटेल यांनी मानले.कार्यक्रम यशस्वीतेसाठी उपशिक्षिका बबिता काटोळे उपशिक्षक संजय पटेल सहशालेय उपक्रम समिती प्रमुख उपशिक्षिका जे.पी.पाटील, बालवाडी शिक्षिका एस.जी.सोनार शिक्षकेतर कर्मचारी बी.एल.पावरा,ए.बी.ईशी यांनी परिश्रम घेतले.
