टेकवाडे येथे स्वातंत्र्याचा अमृत महोत्सव निमित्त देशभक्तीपर प्रश्नमंजूषा स्पर्धा
त-हाडी
शिरपूर तालुक्यातील आर.सी.पटेल मराठी प्राथमिक शाळा टेकवाडे येथे इयत्ता बालवाडी ते ४ थी च्या विद्यार्थ्यांसाठी स्वातंत्र्याचा अमृत महोत्सव कार्यक्रम सर्व जनतेपर्यंत पोहचवून त्याबाबत जनजागृती व्हावी यासाठी देशभक्ती या विषयांवर विद्यार्थ्यांसाठी प्रश्नमंजूषा स्पर्धा घेण्यात आली. कार्यक्रमाच्या अध्यक्ष्यस्थानी शालेय व्यवस्थापन समिती शिक्षण तज्ञ सदस्य प्रा.एस.एम.पाटील होते.त्यांनी प्रश्न मंजूषा स्पर्धेत सहभागी सर्व विद्यार्थ्यांना यशस्वी होण्यासाठी शुभेच्छा दिल्या. मुख्याध्यापक आर.बी.खोंडे होते.त्यांनी आपल्या प्रास्तविकातून स्वातंत्र्याचा अमृत महोत्सव या कार्यक्रमाचे
महत्व व उद्देश व पूर्ण आठवड्यात शाळेत होणारे कार्यक्रम तसेच प्रश्नमंजूषा स्पर्धा याबाबत उपस्थित विद्यार्थ्यांना माहिती दिली
त्यानंतर भारत माता यांच्या प्रतिमेचे पुजन करण्यात आले. त्यानंतर उपस्थितीत विद्यार्थ्यांमधून गुलाब,कमळ,चाफा,झेंडू असे चार गट निर्माण करून देशभक्ती व स्वातंत्र्य या विषयांवर प्रश्न तयार करून प्रश्नमंजूषा नावाचा कार्यक्रम घेण्यात आला.त्यात प्रथम गुलाब गट,व्दितीय चाफा गट तर तृतीय झेंडू गट आला काही प्रश्नांची उत्तरे उपस्थित विद्यार्थ्यांकडून मिळाली त्यात प्रांजल वाडीले व श्रध्दा राजपूत यांना व्यक्तीगत बक्षीसे मिळाली.एकूणच स्पर्धा रंजक व मजेदार विद्यार्थ्यांचे मनोरंजन करणारी झाली.
कार्यक्रमाचे सुत्रसंचलन उपशिक्षिका जयश्री पाटील यांनी केले.तर आभार उपशिक्षिका बबिता काटोळे यांनी मानले.कार्यक्रम यशस्वीतेसाठी उपशिक्षिका बबिता काटोळे उपशिक्षक संजय पटेल,अनिल माळी सहशालेय उपक्रम समिती प्रमुख उपशिक्षिका जे.पी.पाटील, बालवाडी शिक्षिका एस.जी.सोनार शिक्षकेतर कर्मचारी बी.एल.पावरा,ए.बी.ईशी यांनी परिश्रम घेतले.
