भोरखेडा आर.सी.पटेल विद्यालयातर्फे पथनाट्याचे सादरीकरण
त-हाडी
आर.सी.पटेल माध्यमिक व उच्च माध्यमिक विद्यालय भोरखेडा येथे हर घर तिरंगा या मोहिमेअंतर्गत ‘आजादी का अमृत महोत्सव’ निमित्ताने खान्देश पुत्र शहिद, बालक्रांतिकारक शिरिष कुमारच्या जीवनावर आधारित पथनाट्य भोरखेडा गावातील डाॅ.बाबासाहेब आंबेडकर चौक, महादेव मंदिर परिसर व बाजारचौकात सादर झाले. कार्यक्रमाच्या अध्यक्षस्थानी शाखेचे प्राचार्य आर.एफ.शिरसाठ होते. पथनाट्याचे उद्घाटन भोरखेडा येथील सामाजिक कार्यकर्ते सुदामसिंग राजपूत यांच्या हस्ते झाले
तर प्रमुख पाहुणे म्हणून नथ्थूसिंग बंडूसिंग जमादार,रघुनाथ भिलेसिंग राजपूत, दरबार प्रतापसिंग राजपूत, कल्याण हुलेसिंग राजपूत, सचिन सत्तरसिंग राजपूत,एकनाथ शिरसाठ,विजयसिंग राजपूत,पर्यवेक्षक पी.व्ही.पाटील उपस्थित होते.
इयत्ता पाचवी ते बारावीच्या विद्यार्थ्यांनी खान्देश पुत्र शहिद बालक्रांतिकारक शिरिष कुमार’ या पथनाट्यात सहभाग नोंदवला.विनित शिरसाठ या विद्यार्थ्यांने शिरिष कुमारची भूमिका साकारली.पथनाट्याचे लेखन व दिग्दर्शन तसेच कार्यक्रमाचे सूत्रसंचालन सुधाकर देसले यांनी केले तर के.एस.कोळी यांनी आभार मानले.खान्देश पुत्र शहिद बालक्रांतिकारक शिरिष कुमारच्या पराक्रमाची गाथा पथनाट्यातून देशभक्ती,राष्ट्रप्रेम सअभिनय सादर करण्यात आली. या कार्यक्रमात मोठ्या संख्येने गावातील महिला वर्ग उपस्थित होता. कार्यक्रम यशस्वीतेसाठी तुषार पाटील, चंदन पावरा,जे.डी.पाटील, मीना पटेल ,दिपाली निकम यांच्यासह सर्व शिक्षक शिक्षिका व शिक्षकेतर कर्मचारी यांचे सहकार्य लाभले
