बभळाज येथील पटेल विद्यालयात स्वातंत्र्याचा अमृत महोत्सव निमित्ताने देशभक्तीपर पथनाट्य स्पर्धा
शिरपूर तालुक्यातील बभळाज येथील आर. सी. पटेल माध्यमिक विद्यालय बभळाज येथे आज दि. 13/08/2022 वार शनिवार रोजी स्वातंत्र्याचा अमृत महोत्सव निमित्ताने देशभक्तीपर पथनाट्य सादरीकरण स्पर्धा आयोजित करण्यात आली.
कार्यक्रमाच्या अध्यक्षस्थानी विद्यालयाचे मुख्याध्यापक श्री. एस. ए. कुरेशी होते तर प्रमुख पाहुणे म्हणून पालक शिक्षक संघाचे उपाध्यक्ष श्री. रविंद्र जाधव, पोलीस पाटील श्री. नितीन जाधव उपस्थित होते. सुरुवातीला सरस्वती मातेच्या प्रतिमेचे पूजन उपस्थित मान्यवरांच्या हस्ते करण्यात आले.
नंतर देशभक्तीपर आणि सामाजिक जाणीव व जागृती निर्माण करण्यासाठी पथनाट्य स्पर्धेला सुरुवात झाली . देशभक्तीपर आणि सामाजिक व ज्वलंत समस्यांना वाचा फोडण्यासाठी विद्यालयाच्या वतीने पथनाट्य सादरीकरण स्पर्धा घेण्यात आली.
पथनाट्य स्पर्धेत अतिशय उत्साह पुर्ण वातावरण दिसून आले. यावेळी भारत मातेला स्वातंत्र्य मिळवून देण्यासाठी ज्या महान विभूतींनी प्राणांचं बलिदान दिले त्या सर्व विभूतींचे कार्य व विविध प्रसंग एकपात्री अभिनयाच्या माध्यमातून दाखविण्यात आले.
पथनाट्य स्पर्धेच्या माध्यमातून “बेटी बचाओ बेटी पढाओ” , जल है तो कल है, स्वच्छता अभियान, प्लॅस्टिक से मुक्ती या विषयांवर पथनाट्य सादर करण्यात आले.
विद्यालयाचे मुख्याध्यापक श्री एस ए कुरेशी, .सर्व शिक्षक व विद्यार्थ्यांबरोबर पालकही मोठ्या उत्साहाने कार्यक्रमात सहभागी झाले होते.
कार्यक्रमाचे सूत्रसंचालन श्री. आर. पी. जोशी आणि श्री. आर. ए. माळी यांनी केले
. कार्यक्रम यशस्वीतेसाठी शाळेतील शिक्षक श्री. आर यु. चौधरी, श्री. आर. ए. माळी, श्री. पी. एस. पाटील, रंजन नामगे, श्री. एस. एस. वानखेडे, श्री. आर. पी. जोशी, किशोर पाटील, आनंद बेलगमवार, , श्री. आर. टी. पाटील, , जान्हवी पाटील, शरद पवार, भरत महाजन, यांनी परिश्रम घेतले.
