आटपाडीतील एकात्मिक बाल विकास योजना प्रकल्पाची तारेवरची कसरत
अपुरा कर्मचारी वर्ग, स्वतंत्र इमारत नाहीत,कामाचा ताणतणाव
आटपाडी प्रतिनिधी
एकात्मिक बाल विकास योजनेअंतर्गत अंगणवाडीतून लहान मुलांना शिक्षणाची आवड निर्माण होत असते, परंतु कर्मचारी वर्ग अपुरा असल्याने सर्वच विभागाची तारांबळ उडते आहे.
एकात्मिक बाल विकास योजना प्रकल्प विभागामध्ये अपुरे कर्मचारी आहेत. अंगणवाडीच्या स्वतंत्र इमारती नाहीत खुद्द बाल प्रकल्प अधिकारी यांचेच पद रिक्त आहे त्यामुळे कार्यालयामध्ये असणाऱ्या उर्वरित कर्मचाऱ्यावरती कामाचा बोजा पडत आहे तसेच मिनी सेविका सेविका मदतनीस यांची पदे रिक्त आहेत सर्व पदे ता त्वरित भरावी व अनेक अंगणवाडींना स्वतंत्र इमारती नाहीत त्या मेळाव्यात अशी मागणी ग्रामस्थातून होत आहे
याबाबत सविस्तर माहिती अशी की बाल प्रकल्प अधिकारी यांचे पद रिक्त आहे .पर्यवेक्षिकाची 7 पदे मंजूर आहेत .त्यापैकी 2 कार्यरत आहेत, तर 5 रिक्त आहेत .सेविका 191 पदे मंजूर त्यापैकी 184 कार्यरत आहेत 7 पदे रिक्त आहेत, मदतनीस 191 पदे मंजूर आहेत. 159 ठिकाणी मदतनीस कार्यरत आहेत तर 32 ठिकाणी पदे रिक्त आहेत. मिनी सेविकांची एकूण 52 पदे आहेत त्यापैकी 50 कार्यरत आहेत २ पदे रिक्त आहेत.
अंगणवाडी इमारती एकूण 243 आहेत, त्यापैकी 216 इमारती मंजूर आहेत ,पूर्ण इमारती 197 आहेत, इमारती रद्द झालेले प्रस्ताव 19 आहेत ,जागा नसलेल्या अंगणवाड्या 27 आहेत, तर बाळेवाडी( देवरवस्ती) चिमाई मळा येथे इमारतीचे काम अपूर्ण आहे.
एकूण अंगणवाडी 243 आहेत, मिनी अंगणवाडी 52 आहेत, मोठया अंगणवाडीच्या स्वतंत्र इमारती 169 इमारत ,मिनी अंगणवाडी 28, एकूण197 इमारती असून त्यापैकी, ग्रामपंचायत इमारतीमध्ये 1मोठी अंगणवाडी, प्राथमिक शाळांमध्ये 5 अंगणवाडी व 8 मिनी अंगणवाडी, समाज मंदिरामध्ये 6अंगणवाडी, 1 मिनी अंगणवाडी, खाजगी जागेमध्ये 10 अंगणवाडी व 15 मिनी अंगणवाडी भरत आहेत.
अपुरा कर्मचारी वर्ग अनेक ठिकाणी विद्यार्थ्यांना इमारती बसायला नाही तर अनेक ठिकाणी हिमारतीसाठी जागा उपलब्ध होत इमारतीसाठी जागा उपलब्ध होत नाही तर खुद्द बालविकास प्रकल्प अधिकाऱ्याचेच पद रिक्त खुद्द बालविकास प्रकल्प अधिकाऱ्याचे पद रिक्त असल्याने संपूर्ण कारभाराची तारांबळ उडत आहे सर्व अंगणवाडी वरती लक्ष ठेवणाऱ्या पर्यवेक्षिका यांचेच पाच पदे रिक्त आहेत त्यामुळे दोन पर्यवेक्षिकेवरती कामाचा बोजा पडत आहे पर्यवेक्षकीची संख्या कमी असल्याने तालुक्यातील सर्व अंगणवाडी वरती नियंत्रण राहत नाही
तरी बालविकास प्रकल्प अधिकारी पर्यवेक्षिका सेविका मदतनीस व मिनी अंगणवाडी सेविका यांची पदे त्वरित भरावी तसेच ज्या ठिकाणी इमारती नाहीत त्या ठिकाणीही इमारती ताबडतोब व्हाव्यात अशी मागणी ग्रामस्थातून होत आहे.
