१५ वा वित्त आयोग मार्फत धावडवाडी ग्रामपंचायतीच्या वतीने जि. प. शाळा धावडवाडी येथे नविन बेंचेसचे वाटप.
माणगंगा न्यूज पोर्टल जत/
धावडवाडी:-१५ वा वित्त आयोगाच्या माध्यमातून धावडवाडी ग्रामपंचायतीच्या वतीने जि.प.शाळा धावडवाडी शाळेस २२ नवीन बेंचचे वाटप करण्यात आले.धावडवाडी जि.प.शाळेची इमारत अत्यंत मोडकळीस आली होती. तसेच शाळेचा पटही खुप कमी झाला होता. जत तालुक्याचे लोकप्रिय आमदार मा. विक्रमदादा सावंत यांच्या आमदार निधीतून या वर्षी भव्य अशी आलिशान इमारत उभी राहिली.
शाळेचे शिक्षक नदाफ सर व पडळकर सर या जोडीने शाळेच्या व शिक्षणाच्या गुणवत्तेत विक्रमी बदल घडवून आणला. व पट व्यवस्था वाढविली.शाळेतील विद्यार्थ्यांच्या बैठक व्यवस्थेस कमी बेंच मुळे अडचणी निर्माण झाल्या.यामुळे धावडवाडी ग्रामपंचायतीने शाळेची गरज ओळखुन १५ वा वित्त आयोगाच्या माध्यमातून शाळेला नविन २२ बेंचचे वाटप केले.याबद्दल शाळेच्या वतीने ग्रामपंचायतीचे आभार मानण्यात आले.
या कार्यक्रम प्रसंगी धावडवाडी चे सरपंच आप्पासाहेब आवळे, ग्रा. प. सदस्य अब्दुलकादर शेख, शकिल सय्यद, राजुदिन शेख, हा. आयाज शेख, यासीन शेख, रमजान शेख, इम्रान शेख, ग्रामसेविका घनसटवाड मॅडम, बशिर शेख व शाळेचे सर्व शिक्षक व मुले उपस्थित होते.
💐💐💐💐💐👌👌👌👌
