त्रिमुर्ती गणेशोत्सव मंडळाच्या वतीने अथर्वशीर्षचे पठण :
नातेपुते (श्रीकांत बाविस्कर) :
नातेपुते येथील त्रिमूर्ती गणेशोत्सव मंडळांच्या वतीने मंगळवार दि ६ सप्टेंबर रोजी सायंकाळी १७१ महिलांच्या वतीने अथर्वशीर्ष पठणाचा कार्यक्रम संपन्न झाला. यावेळी सामुदायिक अथर्वशीर्ष स्वर उमटले.
अथर्वशीर्षचे पठण व गणेश शक्तीच्या मंत्रोच्चाराने वातावरण मंगलमय व भक्तीमय झाले होते. कोविड संकटानंतर दोन वर्षांच्या प्रदीर्घ प्रतीक्षेनंतर यंदाच्या गणेशोत्सवात हा सोहळा गणेशभक्तांनी अनुभविला. पारंपरिक पेहरावातील महिलांनी दुपारपासूनच अथर्वशीर्ष पठणासाठी उत्सव मंडपासमोर गर्दी केली होती.
अगदी परिसर महिलांच्या शिस्तबद्ध रांगेने भरून गेला होता. महिलांनी स्वरनाद केल्यानंतर ॐकार गणेश जप आणि मुख्य अथर्वशीर्ष पठण करीत गणरायाला नमन केले. हात उंचावून टाळ्यांचा गजर करीत महिलांनी गणरायाला अभिवादन केले. या नंतर महाआरती तसेच नैवेद्य व महाप्रसाद होऊन कार्यक्रमांची सांगता झाली यावेळी उपस्थित महिला मंडळी व मंडळाचे अध्यक्ष उपध्यक्ष सदस्यसह ग्रामस्थ उपस्थित होते.. ॐ नमस्ते गणपतये त्वमेव प्रत्यक्षं तत्त्वमसि त्वमेव केवलं कर्तासि !!
