पितृपक्षात भाजीपाला महागला
पावसाने नुकसान झाल्याने आवक घटल्याचा परिणाम
त-हाडी
आपल्या पूर्वजना नैवेद्य देऊन तृप्त करण्याचा हिंदू संस्कृतीतील अतिशय महत्वाचा काळ म्हणजे पितृपक्ष आहे या पंधरवड्यात एक दिवस तिथी नुसार आपल्या पूर्वज असणाऱ्या पितरांना किमान अकरा भाज्या, गोड खीर, चपाती असा नैवेद्य देण्याची प्रथा आहे या दिवशी प्रत्येक कुटुंब भाज्या कितीही महाग असल्यातरी खरेदी करतो पितृ तर्पण करत असतो
काही दिवसापासून अचानक पाऊस पडत असल्यामुळे अनेक ठिकाणी शेतातील उभा हिरवागार भाजीपाला वाहून गेला त्यामुळे भाजीपाल्याचा तुटवडा आला असतांना पितृपक्ष आल्याने भाज्यांची मागणी वाढली त्यामुळे भाजीपाला महागला असून सर्व सामान्य माणसांना खरेदी करतांना खिशाला परवडत नाही
मेथी, भेंडी, कारले, डांगर, अळू, गवार, या भाज्या पितृ तर्पण करावयाच्या नैवेद्य देतांना हमखास वापरतात या भाज्या कितीही महाग झाल्या तरी खरेदी कराव्या लागतात, किंवा कुठेही मिळाल्या तरी त्या खरेदीला जावे लागते त्यामुळे या भाज्यांना सद्या बाजारात प्रचंड मागणी आहे मागणी जास्त आणि पुरवठा कमी झाल्याने तुटवडा जाणवत आहे त्याचा परिणाम बाजार भावावर झाला असून नागरिकांना चढ्या दराने खरेदी कराव्या लागत आहे
अलीकडे काही दिवसापासून जोरात पाऊस पडत असल्यामुळे पिकांचे मोठे नुकसान झाले आहे भाजीपाला शेतात सडून गेल्याने अनेक ठिकाणी पुरेसा पुरवठा होत नाही त्यामुळे आवक घटली असून त्याचाही परिणाम भाजीपाला बाजार भावा वाढण्यावर झाला आहे, आज कोणतीही भाजी बाजारात घ्यायला गेले की किमान पंचवीस रुपये पाव किलो दराने मिळते, मेथी चाळीस रुपये एक जुडी असल्यामुळे सामान्य नागरिकांना न परवडणारी आहे तरीही पितृपक्ष असल्यामुळे त्या खरेदी कराव्या लागत आहे, सामान्य कुटुंबातील नागरिकांच्या खिशाला न परवडणारे दर आहे
