अर्थे जिल्हा परिषद शाळेत विद्यार्थ्यांना शैक्षणिक साहित्य वाटप
त-हाडी
शिरपूर तालुक्यातील अर्थे येथील जिल्हा परिषद केंद्र शाळेत विद्यार्थ्यांना शैक्षणिक साहित्य वाटप करण्यात आले. सामाजिक भावनेतून पोलीस पाटील यांनी सदर साहित्याचे वाटप केले.
अर्थे गावातील पोलीस पाटील किशोर सुरेश पाटील यांनी विद्यार्थ्यांना लेखन साहित्याचे वाटप केले.यात इयत्ता पहिली ते चौथीच्या १७२ विद्यार्थ्यांना प्रत्येक दोन वह्या ,पेन, पेन्सिल, खोडरबर व शॉर्पनर इत्यादी शैक्षणिक साहित्य वाटप केले.
यावेळी पोलीस पाटील किशोर पाटील , जयेश राजेंद्र गुजर, शाळा व्यवस्थापन समितीचे अध्यक्ष घनश्याम गोड, पदोन्नती मुख्याध्यापक अरुणा पाटील, उपशिक्षक दाभाडे, येळवे , गिरासे व ग्रामस्थ उपस्थित होते.
शिक्षिका प्रतिभा बारी यांनी मनोगत व सूत्रसंचालन केले. भटू शेवाळे यांनी आभार मानले.
