दादा… दिवाळीच किट आलंय काय ? मावशी अजुन आल नाही
शासनाची १०० रुपयांची किट ची घोषणा कागदावरच ?
त-हाडी / प्रतिनिधी
दादा दिवाळीच किट आलंय काय? मावशी अजुन आली नाही…. असा रुस शिरपूर तालुक्यातील ग्रामीण भागात विविध ठिकाणच्या स्वस्त धान्य दुकानासमोर ऐकायला मिळत आहे. दिवाळी फराळ करण्यासाठी सरकारने केलेल्या घोषणेची अद्यापही अंमलबजावणी झाली नसल्याने शिरपूर तालुक्यातील सर्वसामान्य माणसाला फराळ साहित्याची आशा लागून राहिली आहे. त्यामुळे शासनाने १०० रुपयांत चार वस्तू देण्याची घोषणा अजूनतरी कागदावरच असल्याचे चित्र शिरपूर तालुक्यात दिसत आहे.मुख्यमंत्री एकनाथ शिंदे सरकारने सर्वसामान्य जनतेची
दिवाळी गोड व्हावी याकरिता स्वस्त धान्य दुकानात १०० रुपयांत चार वस्तु देण्याचा निर्णय घेतला होता.
त्यात एक किलो, तेल, एक किलो रवा, एक किलो साखर आणि चणाडाळ देण्याचा निर्णय घेतला होता. मात्र, या निर्णयाची अद्यापही शिरपूर तालुक्यातील अंमलबजावणी सुरू झालेली दिसत नाही. स्वस्त धान्य दुकानात सामान्य नागरिक जाऊन सरकारने घोषणा केलेल्या वस्तु आल्यात का ? असे विचारत आहेत. त्यात अद्यापही या वस्तु न आल्याचे कळताच नागरिक नाराजी व्यक्त करत आहेत. रिकाम्या हातानेच घराकडे परत जात आहे.
स्वस्त धान्य दुकानदारांनाही याबबात कुठलीही कल्पना नसल्याने दिवाळी गोड करण्याबाबत आलेल्या निर्णयाची
कुठलीही स्पष्टता होत नाही.
त्यामुळे शिंदे सरकारने सामान्य नागरिकांसाठी घेतलेला निर्णय कागदावरच असल्याची चर्चा ग्रामीण भागात सुरू झाली आहे. महाराष्ट्रात शिंदे-फडणवीस सरकार स्थापन झाल्यानंतर सामान्य जनतेला खुश करण्यासाठी अनेक निर्णय घेण्याचा धडाका लावल्याचे चित्र आहे. मात्र जनतेची दिवाळी
त्यात च राज्यातील सामान्य जनतेची दिवाळी गोड करण्याकरीता सरकारने १०० रुपयांत चार वस्तु देण्याचा निर्णय घेतला होता.
शिंदे सरकारने घेतलेल्या या निर्णयावरून सामान्य नागरिकांमध्ये आनंदाचे वातावरण पसरले होते. त्यामुळे अनेकजण स्वस्त धान्य दुकानात जाऊन चौकशी करीत आहेत.स्वस्त धान्य दुकानात दिवाळीच्या वस्तूंची चौकशी करायला गेलेल्या नागरिकांना मात्र अद्यापही रिकाम्या हातीच परतावे लागत आहे.
दिवाळी अवघ्या आठ दिवसांवर येऊन
ठेपलेली आहे. त्यात अद्यापही दिवाळी १००रु च्या वस्तूंबाबत स्पष्टता नाही, त्यामुळे दिवाळी फराळ कधी बनवणार? असा प्रश्न उपस्थित केला जात आहे. एकूणच दिवाळी गोड करण्याच्या सरकारच्या घोषणेवरून ग्रामीण भागात चर्चेला उधाण आले आहे
