शेती, माती व नाती सांगते खरे साहित्य– प्रा. मुकुंद वलेकर
महाराणीदेवी अहिल्याबाई होळकर एज्युकेशन सोसायटी सांगलीचे, पद्मभूषण डॉ. क्रांतिवीर नागनाथअण्णा नायकवडी कला महाविद्यालय झरे, ता.आटपाडी जि.सांगली या महाविद्यालया वाड्.मय मंडळ उद्घाटन समारंभ मोठ्या उत्साहात पार पडला.
या कार्यक्रमासाठी उद्घाटक म्हणून माणदेश महाविद्यालय जुनोनी चे मराठी विषयाचे प्रा. मुकुंद वलेकर सर हे उपस्थित होते. तसेच अध्यक्षस्थानी महाविद्यालयाचे प्राचार्य, पाटील आर.एच.सर प्रास्ताविक प्रा. देवकुळे डी. एस. यांनी केले.प्राध्यापक मनोगत मध्ये खिलारी व्ही.ए. यांनी साहित्य निर्मितीमध्ये संवेदनशील मन असणं अतिशय महत्त्वाचं आहे. तसेच भाषा विकासासाठी श्रवण, भाषण, वाचन व लेखन ह्या पायऱ्या महत्त्वाच्या आहेत. चांगलं ऐकलं तर चांगलं बोलता येईल, चांगलं लिहिता येईल. आपल्या मनोगतात त्यांनी सांगितले. त्यानंतर कार्यक्रमाचे प्रमुख पाहुणे प्रा.मुकुंद वलेकर सर बोलताना म्हणाले की, आपली माणदेशी भूमी ही साहित्यिकांची खाण आहे. साहित्याची चांगली परंपरा आपल्या मातीला लाभलेली आहे. गीता-रामायण सारख्या ग्रंथाच्या माध्यमातून ग.दि.माडगूळकर यांनी माणदेशाचे नाव साता-समुद्रापलीकडे नेलं. त्याचबरोबर शंकरराव खरात हे एक तराळाचा मुलगा एका विद्यापीठाचा कुलगुरू होतो.
त्याचबरोबर साहित्यात सुद्धा आपला वेगळा ठसा उमटवतो. हे आपल्यासाठी एक माणदेशी माणूस म्हणून अभिमानाची आणि आपल्या जीवनाला वेगळी दिशा देण्यासाठी महत्त्वाची गोष्ट आहे. तसेच व्यंकटेश माडगूळकर यांची ‘बनगरवाडी’ ही कादंबरी जर्मन लोकांना भावली, आणि माडगूळ हे एका लेखकाचे गाव नेमकं कसं आहे हे बघण्याची उत्सुकता त्यांनी बोलून दाखवली. पण आपल्या माण देशाच्या मातीमध्ये इतका चांगला आणि दर्जेदार कादंबरीकार लेखक साहित्यिक घडून गेले.
पण आपण माडगूळे गाव कसा आहे किंवा एका लेखकाचा गाव कसा असेल हे बघण्याची उत्सुकता असते पण आपल्या जवळ हे गाव असून आपण त्याकडे त्या दृष्टीकोनातून बघत नाही, म्हणजे आपलं आहे ते आपल्याला महत्वाच वाटत नाही. साहित्य हे माणसाला जगायला शिकवत ‘शेती, माती आणि नाती’ सांगते तेच खरं साहित्य असतं माणदेशातील असलेल्या लोकगीते, जात्यावरची गाणी, म्हणी, उखाणे, अस्सल माणदेशी खजिनाच विद्यार्थ्यांना समोर मांडला.
विद्यार्थ्यांना आपल्या विनोदी शैलीने मंत्रमुग्ध केले.त्यानंतर आपल्या अध्यक्षीय भाषणात बोलताना प्राचार्य, पाटील सर यांनी सांगितले की विद्यार्थ्यांनी साहित्य निर्मितीच्या दृष्टिकोनातून विचार करायला हवा व माणदेशाची साहित्य परंपरा अशीच अखंडित सुरु ठेवण्यासाठी आपण सर्वांनी लिहीत झाले पाहिजे. असे अहवान विद्यार्थीना केले. या कार्यक्रमासाठी प्रा.शिंगाडे एम.एस., प्रा.पाटील एन.डी., प्रा.खांडेकर एम.डी., प्रा.वाघमोडे एस.के., प्रा.सौ. घुटुकडे एम.आर., प्रा.चौगुले आर.एच., श्री.फकीर जे.जे., श्री.नरळे एम.पी., श्री. सुळे डी.एस. व महाविद्यालयातील सर्व विद्यार्थी-विद्यार्थिनी उपस्थित होते. कार्यक्रमाचे सूत्रसंचालन प्रा.सौ काळेल आर.व्ही. यांनी केले व आभार प्रा मुलाणी एस. डी.यांनी केले.
