शरद पवार यांची पुन्हा आटपाडीकरांना हुलकावणी की आम.पडळकर यांची भीती…..तालुक्यात चर्चेला उधाण
आटपाडी प्रतिनिधी
आटपाडी येथे गुरुवार दिनांक 27 ऑक्टोबर रोजी राष्ट्रवादी काँग्रेसचे अध्यक्ष खासदार शरद पवार यांच्या हस्ते पथदर्शी बंद पाईप लाईन प्रकल्प उभारलेली असून त्याची पाहणी करणे व आटपाडी येथील कृषी विद्यालय येथे शेतकरी अभ्यास मेळाव्याचे आयोजन करण्यात आले होते.
या मेळाव्याची तयारी अनेक महिन्यापासून सुरू होती या मेळाव्याची मोठी जय्यत तयारी केली होती. मात्र ऐन वेळेला शरद पवार हे काही अपरिहार्य कारणास्तव कार्यक्रमाला उपस्थित राहणार नाहीत. असं सांगण्यात आले व हा कार्यक्रम राष्ट्रवादीचे नेते जयंत पाटील यांच्या उपस्थितीमध्ये पार पडला मात्र शरद पवार यांच्या अनुपस्थितीबाबत तालुक्यामध्ये चांगलीच चर्चा रंगली आहे.
शरद पवार हे आटपाडीला येण्याचं का टाळतात ? याबद्दल आटपाडी दुष्काळी तालुक्याला पाणी मिळावं म्हणून शिवसेना भाजप सरकारच्या काळामध्ये प्रकल्पाला मंजुरी मिळाली व त्यानंतर आलेल्या राष्ट्रवादी व काँग्रेसच्या सरकारने या प्रकल्पावरती निधी देणे थांबवले होते.
2011- 12 मध्ये पडलेला मोठा दुष्काळ या भागातील नागरिकांच्या तीव्र प्रतिक्रिया त्या काळामध्ये विद्यमान भाजपचे आमदार गोपीचंद पडळकर यांनी राष्ट्रवादीचे जयंत पाटील यांचा ताफा अडवण्याचा केलेला प्रयत्न व त्यानंतर शरद पवार यांना तालुक्यात फिरू देणार नाही अशी घेतलेली भूमिका यामुळे यापूर्वी शरद पवार यांनी अनेक वेळा आटपाडीसाठी ठरलेला दौरा रद्द केला होता
तर सध्या आमदार गोपीचंद पडळकर हे थेट पवार यांच्यावरती बोलतात व बारामती मध्ये जाऊन निवडणूक लढवतात त्यामुळे पडळकर यांच्या भीतीने तर शरद पवार आटपाडी ला येणे टाळत नाहीत ना अशी काहीशी चर्चा नागरिकांमध्ये सुरू आहे.
