आम.अनिलभाऊ बाबर यांच्या प्रयत्नाने रोजगार हमी योजने अंतर्गत विहिरीसाठी जाचक अटी शिथिल – सुहासभैया बाबर यांची माहिती
राज्यातील सर्व शेतकरीवर्गासाठी आपल्या सरकारने कल्याणकारी निर्णय घेतला असून राेजगार हमी याेजनेंतर्गत मिळणाऱ्या विहीरींसाठी जाचक अटी शिथिल करण्यात आल्या आहेत. आमदार अनिलभाऊ बाबर यांनी याबाबत सातत्याने पाठपुरावा केला हाेता. त्यांच्या प्रयत्नांना हे माेठे यश आले आहे.
या निर्णयामुळे शेतकऱ्यांचे जीवनमान उंचावणार आहे. यासाठी मुख्यमंत्री एकनाथ शिंदे,उपमुख्यमंत्री देवेंद्र फडणवीस, राेजगार हमीमंत्री संदिपान भुमरे यांचे आभार व्यक्त करत असल्याची माहिती युवक नेते माजी सांगली जिल्हा परिषद उपाध्यक्ष सुहास (भैय्या) बाबर यांनी दिली.
यावेळी माहिती देताना सुहास (भैय्या) बाबर म्हणाले, राज्यातील प्रत्येक कुटूंब लखपती करण्याच्या उद्देशाने महात्मा गांधी राष्ट्रीय ग्रामीण राेजगार हमी याेजनेंतर्गत विहीरीची कामे करण्यासाठी मानक ऑपरेटींग प्रक्रिया राबवावी यासाठी आमदार अनिलभाऊ बाबर गेली अडीच वर्षे सातत्याने राज्यसरकारकडे प्रयत्न करत हाेते.
आमदार अनिलभाऊ बाबर यांनी यासाठी नेहमीच सभागृहात आवाज उठविला हाेता. संबधीत खात्याशी पत्रव्यवहार करून राेजगार हमीच्या विहीरी देताना शेतकऱ्यांसमाेर येणाऱ्या अडचणी विषद केल्या हाेत्या.
आपले सरकार स्थापन झाल्यानंतर आमदार बाबर यांनी मुख्यमंत्री, उपमुख्यमंत्री व राेजगार हमी याेजना मंत्री यांना विहीरी देताना ज्या काही अडचणी हाेत्या त्या विषद केल्या हाेत्या. आपल्या सरकारने याबाबत सकारात्मक विचार करून नुकताच एक अध्यादेश जारी केला आहे. आणि संपुर्ण राज्यांतील शेतकऱ्यांना दिलासा दिला आहे.
पुर्वी विहीरींसाठी 2.95 लाखाचा निधी मिळत हाेता आता त्याची मर्यादा वाढविली असून ताे 4 लाख इतका मिळणार आहे. पुर्वीची 500 फुटाची अट हाेती ती आता रद्द करण्यात आली आहे. तर 60 गुंठे जमिन असणे आवश्यक हाेते, ती आता 40 गुंठयावर आणली गेली आहे.
अंतराची मर्यादा, वाढीव निधी यामुळे शेतकऱ्यांना अपेक्षीत निर्णय झाला आहे. हा निर्णय शेतकऱ्यांच्या जीवनात अमुलाग्र बदल करणारा असल्याने मुख्यमंत्री, उपमुख्यमंत्री, राेजगार हमी याेजना मंत्री व आमदार अनिलभाऊ बाबर यांचे राज्यातील तमाम शेतकऱ्यांच्यावतीने आम्ही आभार मानत असल्याचे सुहास (भैय्या) बाबर यांनी सांगितले.
