अंगणवाडीकरीता जास्तीत जास्त प्रस्ताव पाठवा शिरपूर येथे अंगणवाड्यांना वजनकाटे वाटपप्रसंगी आमदार काशिराम पावरा
त-हाडी प्रतिनिधी
अंगणवाडी करिता जेवढे प्रस्ताव प्राप्त होतील तेवढे मंजूर होणार त्यामुळे गण-गटातील सदस्यांनी अंगणवाडी गाव-पाड्यावर राहिली असेल त्यांनी तातडीने प्रस्ताव पाठवावा़ बीडीओंनी ग्रामसेवकांना सूचना देवून त्याकडे लक्ष देण्याचे सूचित केले़ वंचित गावांमध्ये अंगणवाडी इमारत नसेल त्यांनी तातडीने प्रस्ताव पाठवावा असे प्रतिपादन आमदार काशिराम पावरा यांनी आदिवासी भागातील अंगणवाड्यांना वजनकाटे वाटपप्रसंगी मार्गदर्शन करतांना केले़ १० रोजी येथील पंचायत समितीच्या विकासरत्न अमरिशभाई पटेल सभागृहात आमदार काशिराम पावरा यांच्या उपस्थितीत अंगणवाड्यांना वजनकाटे, गरोदर वा स्तनदा महिलांना बेबीकिट तसेच स्वातंत्र्याचा अमृत महोत्सव वर्षानिमित्त घेण्यात आलेल्या विविध स्पर्धेतील विजेतांना प्रमाणपत्र देवून गौरव करण्यात आला़
यावेळी जि़प़उपाध्यक्ष देवेंद्र पाटील, समाजकल्याण सभापती कैलास पावरा, महिला बालकल्याण सभापती संजीवनी सिसोदे, सभापती लताबाई वसंत पावरा, उपसभापती विजय बागुल, गटविकास अधिकारी संजय सोनवणे, तहसिलदार आबा महाजन, गटशिक्षणाधिकारी एफक़ेग़ायकवाड, बालविकास प्रकल्प अधिकारी सचिन शिंदे, तालुका वैद्यकीय अधिकारी डॉ़प्रसन्न कुलकर्णी, पशुसंवर्धन अधिकारी डॉ़ संजय कुंवर, माजी सभापती सत्तारसिंग पावरा, माजी उपसभापती धनश्री बोरसे, जि़प़सदस्य योगेश बादल, वसंत पावरा, यतिष सोनवणे, चंद्रकांत पाटील उपस्थित होते़ बालविकास प्रकल्प अधिकारी सचिन शिंदे म्हणाले, ज्या गाव-पाड्यावर अद्यापपर्यंत अंगणवाडी नाही अशा गावाने अंगणवाडी मंजुरीसाठी व बांधकामासाठी प्रस्ताव पाठवावा़
वंचित असलेल्या गाव-पाड्यांवर लगेच अंगणवाडीची मंजूरी दिली जाईल़ सेस फंडातून आदिवासी भागातील २८९ अंगणवाडींकरीता २८९ वजनकाटे प्राप्त झाले आहेत़ यापूर्वी ५ हजार गरोदर वा स्तनदा मातांना बेबीकिटचे वाटप करण्यात आले आहे़ आता ही २५०० लाभार्थ्यांना वाटप केले जात आहे़ मात्र त्यासाठी ९ व्या महिन्याची गरोदर माता वा स्तनदा माताचे बाळ २ महिन्याच्या आतील असल्यास अशा लाभार्थ्यांना बेबीकिट दिले जात आहे़ तसेच माझी कन्या भाग्यश्री योजनेतचे देखील यापूर्वी १८ लाभार्थ्यांना लाभ दिला आहे़ आताही ९ प्रस्ताव मंजूर करण्यात आले आहेत़ १ मुलगी असेल तर ५० हजार अन् २ मुली असतील तर प्रत्येकी २५-२५ हजार रूपयांचे अनुदान दिले जाणार आहे़ मुदत ठेव स्वरूपात हा निधी दिला जाणार आहे़ दर ६ वर्षाचे व्याज वापरता येणार आहे़ मुलगी १८ वर्षानंतर तो निधी काढता येणार आहे़ महिला बालकल्याण सभापती संजीवनी सिसोदे म्हणाल्या, शिरपूर हा दुर्गम आदिवासी तालुका असून त्या भागातील बालकांचे वजन मोजण्यासाठी व त्या बालकांच्या माता-पितांना त्यांची प्रगतीचा आलेख समजण्यासाठी अंगणवाड्यांना वजनकाटे देण्यात येत आहेत़ विकासरत्न अमरिशभाई पटेल यांनी या तालुक्याचा सर्वांगीण विकास केला आहे़
आता त्यांची धुरा आमदार काशिराम पावरा सांभाळत आहेत़ बालकांची पहिली पायरी ही अंगणवाडी असून त्यामुळे ती दुसरी आईच असते़ त्या आईची भूमिका सर्वांना बजवावी़ ती मुले नासमज असतात, त्यांना काही लिहिता-वाचता येत नाही़ बोलता ही येत नाही़ म्हणजेच अंगणवाडी हे दुसरे घर असते अशी भूमिकेतून सर्वांना काम करण्याचे आवाहन करण्यात आले़ मातृह्दय महिलांमध्ये असल्यामुळे सर्वच अंगणवाडी सेविका या महिलाच असतात, अशी शासनाची भावना आहे़ त्यामुळे अंगणवाडी सेविकांनी मुलांना चांगला पोषण आहार द्या, त्या मुलांच्या तब्बेतीकडे लक्ष द्या, त्यांच्या विकासाकडे लक्ष द्या आणि सर्व कामे करा असे देखील आवाहन त्यांनी केले़ आमदार काशिराम पावरा म्हणाले, बालविकास प्रकल्प अधिकारी सचिन शिंदे या तालुक्यात रूजू झाल्यापासून अंगणवाडीचे स्वरूप बदलले आहे़ कामे देखील चांगले होत आहेत़ शासनाच्या अनेक योजना असतात त्या योजना या तालुक्यात चांगल्या प्रकारे राबविल्या जात आहेत़ आमदार कार्यालयात देखील शासनाच्या विविध योजनांचा लाभ लाभार्थ्यांना दिला जात आहे़
विशेषत: आमदार अमरिशभाई पटेल यांचे मोलाचे सहकार्य लाभल्यामुळे त्यांनी याकामी यंत्रणा, संगणक व ३० ते ३५ मुलांकडून ही कामे केली जात आहेत़ शासनाच्या विविध योजनांची माहिती गटनिहाय मुलांकडून कामे केली जात आहेत़
त्याच्या फायदा या तालुक्यातील सर्वांनी घेतला पाहिजे़ तसेच जिल्हा परिषद, पंचायत समिती सदस्यांनी देखील याकडे लक्ष देवून आपआपल्या गावातील लाभार्थ्यांना विविध योजनाचा लाभ मिळून दिला पाहिजे़ लोकांनी आपल्याला निवडून दिलेले आहे याची जाण ठेवून लाभार्थ्यांना लाभ मिळून द्या़ सुत्रसंचालन पी़आऱपाटील यांनी केले़
