ब्रह्मचैतन्य च्या गजराने अवघी दुमदुमली कारुंडे नगरी
थोर संत हेच समाजाचे खरे हिरो
रामराजे निंबाळकर
नातेपुते (श्रीकांत बाविस्कर):
श्रीराम जय राम चा नाम घोषात शिबिराची सुरुवात श्री ब्रह्मचैतन्य गोंदवलेकर महाराज यांच्या प्रतिमेची भव्य मिरवणूक काढून करण्यात आली
ब्रह्मचैतन्य गोंदवलेकर महाराज यांच्या प्रतिमेची मिरवणूक गजराज रथ पालखी मधून मंदिरातून कार्यक्रम स्थळापर्यंत साधकासह ढोल ताशाच्या गजरात काढण्यात आली
कार्यक्रमाची सुरुवात गोंदवलेकर महाराजांच्या प्रतिमेचे पूजन करून भाग्यवान जपकर श्री व सौ सुशीला महादेव पवार व महाराष्ट्राचे माजी उपमुख्यमंत्री विजयसिंह मोहिते पाटील ,विधान परिषदेचे माजी उपाध्यक्ष रामराजे नाईक निंबाळकर यांच्या हस्ते दीप प्रज्वलन करण्यात आले यावेळी बोलताना
विधान परिषद चे माजी अध्यक्ष रामराजे निंबाळकर म्हणाले की आज या ब्रह्मचैतन्य नगरी उपस्थित राहण्याचा गोंदवलेकर महाराजांच्या कृपाप्रसादाने मला योग आला समाजात माणसाने प्रत्येक ठिकाणी श्रद्धा ठेवावे तुम्ही श्रद्धा देवावर ठेवा तुम्ही देवाला जा नाही जमलो तर तुम्ही नाम जप तरी करा असा संदेश संत ज्ञानदेव संत तुकाराम महाराज ब्रह्मचैतन्य गोंदवलेकर महाराज व शंकर महाराज यांनी दिले आहे समाजातील हे थोर संत खरे हिरो आहेत धैर्यशील भाऊ देशमुख यांनी आज समाज असमतोल असलेला समाज असला त्यांनी एकत्र करून त्यांना धर्मप्रवाहात आणण्याचे काम करत आहे हे कौतुकास्पद आहे
धैर्यशील भाऊ देशमुख प्रस्तावना करीत असताना म्हणाले की , कारुंडे येथील सर्व यामध्ये वयस्कर पासून तरुण युवका पर्यंत असलेल्या जपकारामुळे हे शिबिर यशस्वी होत आहे आज समाजात राम जपा शिवाय पर्याय नाही ब्रह्मचैतन गोंधवलेकर महाराजांनी घालून दिलेली तत्त्वे धडे देण्याचे काम या जप प्रकल्पाच्या शिबिरातून केले जात आहे हे शिबिर पार पाडण्याचे कार्य महाराज करीत आहे आणि आम्ही निमित्त मात्र आहोत असे सांगीतले
यावेळी बोलताना वेदांत चार्य शिवानंद महाराज म्हणाले की धर्मामध्ये नामा बरोबर नाम जपाचे हे महत्व आहे कारण नाम घेतल्यास प्रभूचे स्मरण होते राम म्हटलं जसे त्यांचे स्वरूप आठवते आज समाजात हाती काम, मुखी नाम आणि त्याचे स्मरण हे महत्त्वाचे आहे , धैर्यशील भाऊ देशमुख यांच्यामुळे आज या पुण्यनगरीत उपस्थित राहण्याचा योग आला, असे त्यांनी सांगितले
या कार्यक्रमास प्रमुख अतिथी म्हणून शिवानंद भारती महाराज,माजी उपमुख्यमंत्री विजयसिंह मोहिते पाटील, विधान परिषद चे माजी अध्यक्ष रामराजे निंबाळकर,बाबाराजे देशमुख हे होते.
हे शिबिर
दि. १२ व १३ नोंव्हेंबरला कारूंडे ( लोंढे वस्ती ) ता. माळशिरस,जि,सोलापुर येथे आयोजित करण्यात आले आहे चैतन्य जप प्रकल्पाचै कार्याध्यक्ष शिबीर प्रमुख धैर्यशील भाऊ देशमुख यांच्या मार्गदर्शनाखाली शिबिर घेण्यात आले असून या शिबीरामध्ये काकड आरती, अंखड सामूदायिक जप नामस्मरण, शोभायाञा, मिरवणूक, प्रसाद,रक्तदान शिबीर, वृक्षारोपण असे धार्मिक व सामाजिक कार्यक्रमाचे आयोजन करण्यात आले आहे. या शिबिरास कृषी उत्पन्न बाजार समिती सभापती मदनसिंह मोहिते पाटील, उप सभापती मामासाहेब पांढरे,नातेपुते नगरपंचायत उपनगराध्यक्ष मालोजीराजे देशमुख आदी मान्यवर उपस्थित होते.
उपस्थितांचे आभार राजेंद्र मोरे यांनी मांनले
