सांबराला नैसर्गिक अधिवासात सोडले, वनविभागाची लय-भारी कामगीरी
सांगलीतील सांबराला नैसर्गिक अधिवासात सोडले, वनविभागाची लय-भारी कामगीरी
सांगली वनपरिक्षेत्र अंतर्गत मिरज एमआयडीसी मागील गोदरेज कंपनी जवळील परिसरात दिनांक 02/12/2022 रोजी सांबर हा प्राणी असल्याचे माहिती मिळताच वनपाल, वनरक्षक, वनमजूर यांच्या समवेत जागेवर जाऊन पहाणी केली. वन्यप्राणी असल्याचे खात्री झाल्यानंतर सदर वन्य प्राण्यास मानवी अथवा इतर कोणत्याही श्वान प्राण्याकडून कोणताही धोका होणार नाही याची काळजी घेऊन बंदोबस्त करण्यात आला होता
सदरचा वन्यप्राणी हा मानवी हस्तक्षेपामुळे कुपवाड नागरी वस्तीत घुसला गेल्यामुळे सदरचा वन्य प्राणी हा यापूर्वी भारत गिरणी नावाने असणाऱ्या कुंपणामधील जागेमध्ये गेल्याने त्याच्यावर सलग पाच दिवस निगराणी ठेवण्यात आलेली होती, दिनांक 06 रोजी बोमा या पद्धतीचा वापर करून दिनांक 07 रोजी मध्यरात्री सह्याद्री व्याघ्र प्रकल्पाकडील अत्याधुनिक वाहनांमध्ये बंदोबस्त करण्यास यश आलेले आहे
त्या वन्यप्राण्यांची वैद्यकीय तपासणी करून नैसर्गिक अधिवासात मुक्त करण्यात येत आहे .सदरचे रेस्क्यू हा श्रीमती नीता कट्टे, उपवनसंरक्षक वनविभाग सांगली श्री अजित सासणे, सहाय्यक वनरक्षक वनीकरण वनविभाग सांगली यांच्या मार्गदर्शनाखाली श्री यु.स. पाटील ,वनक्षेत्रपाल सांगली ,श्री अजित पाटील ,श्री यु. एस. पाटील तसेच वनपाल श्री तुषार मोरे ,राजेंद्र नाईक, शशिकांत नागरगोजे ,वनरक्षक श्री सागर थोरवत, भिवा कोळेकर, दादा भुजबळकर ,दत्तात्रय भोसले ,राजमाने ,सातपुते व सर्व वनमजूर डब्ल्यूआरसी संघटनेचे पदाधिकारी इत्यादी इतर रेस्क्यू करणे कामी भूमिका बजावली
सद्यस्थितीत शेतीची कामांमध्ये द्राक्ष बागांची छाटणी, उसाची कापणी व इतर कामे सुरू आहेत ,वन्य प्राणी बाहेर पडत असल्याने ते विहिरीत पडणे, नागरी वस्तीमध्ये शिरणे किंवा जखमी अवस्थेत निदर्शनास आल्यास अशा वन्य प्राण्यांना बचाव करण्याच्या दृष्टीने वनविभाग सांगलीकडील टोल फ्री नंबर 1926 यावर तात्काळ कळवण्यात यावे असे वनविभाग सांगलीतर्फे आव्हान करण्यात आले आहे
