विभूतवाडीत ऊसा सह ट्रॅक्टर ट्रॉली पुलावरून खाली कोसळली
ऊस व ट्रॅक्टर, ट्रॉली चे दोन लाखाचे नुकसान, जीवितहानी नाही
विभूतवाडीच्या पुलावरील अपघाताची मालिका कधी थांबणार ?
विभूतवाडीत ऊसा सह ट्रॅक्टर ट्रॉली पुलावरून खाली कोसळली
ऊस व ट्रॅक्टर, ट्रॉली चे दोन लाखाचे नुकसान, जीवितहानी नाही
परंतु याबाबत सार्वजनिक बांधकाम विभागाला अनेक वेळा कळवून सुद्धा कोणतीही दखल घेतलेली नाही. विशेष म्हणजे हा रस्ता कराड पंढरपूर महामार्ग आहे. या रस्त्याने वर्षातून दोन वेळा पंढरपूरला दिंडी जात असतात. तर महामार्ग असल्यामुळे वाहनांची वर्दळ असते. हा महामार्ग सार्वजनिक बांधकाम विभाग पंढरपूरच्या ताब्यामध्ये असल्याने आटपाडीतील सार्वजनिक बांधकाम विभाग या रस्त्याकडे लक्ष देत नाहीत. अनेक वेळा एका वर्षामध्ये सात ते आठ अपघात झालेले आहेत.
गावाच्या पश्चिमेला गावालगदच ओढा आहे. त्या ओढ्यावरती पूल आहे, त्या पुलावरती अचानक यू टर्न असल्यामुळे अनेक जणांना वाहने ताब्यात ठेवता येत नाहीत त्यामुळे येथे अपघात होत आहेत.
आज दुपारी दोनच्या आसपास निंबवडे ता. आटपाडी येथून ट्रॅक्टर ऊस घेऊन पडळ ता. खटाव येथील कारखान्याकडे निघाला होता.
परंतु अचानक पुलाजवळ वळण असल्याने ड्रायव्हरला टर्न बसला नाही. त्यामुळे पुलाचा कठडा तोडून ऊस ओढ्यामध्ये पडला आहे. दोन्ही ट्रॉली पुलावरतीच पडल्या आहेत नशीब कोणतीही जीवित आणि झालेली नाही.
सार्वजनिक बांधकाम विभाग आणखी किती अपघाताची वाट पाहणार आहे. एक तर तेथे गतिरोधक करावेत अन्यथा पुलाजवळील वळण रस्ता आहे ते वळण काढावे तर आणि तरच अपघाताची मालिका थांबेल अन्यथा अपघाताची मालिका अशीच सुरू राहील. कारण पूर्वेकडून पश्चिमेला वाहन जात असताना पुलावळीवरील वळण वाहनधारकाला दिसत नाही. तर पश्चिमेकडून पूर्वेला येत असताना रस्त्याला उतारा असल्याने वाहने जादा वेगाने येतात आणि अचानक वळण असल्यामुळे तेथे ड्रायव्हर चा गाडीचा ताबा सुटतोय त्यामुळे तेथे सतत अपघात होत असतात.
तरी सार्वजनिक बांधकाम विभागाच्या अधिकाऱ्यांनी प्रत्यक्ष पाहणी करून तेथील यु आकाराचे असणारे वळण हटवावे किंवा पुलाच्या पूर्वेला आणि पुलाच्या पश्चिमेला गतिरोधक करावेत तर आणि तरच येथील अपघात थांबतील.
चौकट – या पुलावरती या वर्षांमध्ये सात ते आठ अपघात झाले आहेत त्यामध्ये तिघा जणांचा मृत्यू झाला आहे पुलावरती अचानक येऊ आकाराचे वळण असल्याने ड्रायव्हरचा वाहनावरील ताबा सुटत असल्याने येथे सतत अपघाताची मालिका सुरू आहे परंतु सार्वजनिक बांधकाम विभाग डोळ्यावरती पट्टी बांधून गप्प बसलेले आहे. सार्वजनिक बांधकाम विभाग आणखी किती बळी घेणार हा गांभीर्याचा प्रश्न आहे
