तोंडोली उपसरपंचपदी भाजप-काँग्रेस युतीचे रणजीत मोहिते यांची बाजी
कडेगाव प्रतिनिधी
तोंडोली तालुका कडेगाव येथील उपसरपंच पदाच्या निवडणुकीत भाजप-काँग्रेसचे युतीचे रणजीत संभाजी मोहिते यांनी या निवडणुकीत बाजी मारली. ग्रामपंचायत निवडणुकीत काँग्रेस अंतर्गत दोन गट होऊन दोन्ही गटांनी वेगवेगळी निवडणूक लढवली.या निवडणुकीत भाजपने व राष्ट्रवादीने एकला चलो रे ची भूमिका घेतली होती.
काँग्रेसच्या विजय मोहिते गटाने सरपंच सह पाच सदस्य निवडून आणले होते. भाजपप्रणीत श्री अंबिका ग्रामविकास पॅनेलने चार सदस्य निवडून आणले तर ज्येष्ठ नेते शंकर नाना पाटील, माजी तालुका पंचायत सदस्य शिवानाना मोहिते, अजय मोहिते, यांच्या गटाने तीन सदस्य निवडून आणून आपली ताकद निर्माण केली होती. राष्ट्रवादीने मात्र आपले स्वतंत्र अस्तित्व दाखवून दिले.
आज झालेल्या उपसरपंच पदाच्या निवडणुकीत भाजप आणि जेष्ठकाँग्रेस गट युतीकडून रणजीत संभाजी मोहिते यांनी उपसरपंच पदासाठी अर्ज दाखल केला होता तर विजय मोहिते गटाकडून अभयकुमार मोहिते यांनी उमेदवारी अर्ज दाखल केला होता या निवडीत भाजप व ज्येष्ठकाँग्रेस गट यांच्या युतीची सात मते रणजीत संभाजी मोहिते यांना मिळाली तर अभय कुमार मोहिते यांना पाच मते मिळाली या निवडणुकीत रणजीत मोहिते यांना उपसरपंच म्हणून घोषित करण्यात आले.
निवडी प्रक्रिया युवराज बाबर,ग्रामसेवक आनंदराव पाटील सरपंच जालिंदर कुंभार, यांच्या अध्यक्षतेखाली पार पडली. या प्रक्रियेत ग्रामपंचायत सदस्य उपसरपंच रनजीत मोहिते,केशव मोहिते,सौ मंगल गुरव,सौ रेश्मा मोहिते-पाटील, सौ.सुनंदा हजारे, शुद्दीन मुलानी,सौ. बबूताई मोहिते, अभयकुमार मोहिते, नितीन मोहिते, सौ.दिपश्री मोहिते, सुनिता महापुरे यांची प्रमुख उपस्थिती होती.
निवडीनंतर ज्येष्ठ नेते शंकर पाटील, शिवाजी मोहिते, भगतसिंग मोहिते,विष्णू मोहिते,भीमरावबाबा मोहिते,युवा नेते सर्जेराव मोहिते,सुनील मोहिते,अजय मोहिते,अजित मोहिते,जुबेर बागवान यांनी मनोगत व्यक्त केले.
यावेळी शिवाजी हजारे , तानाजी मोहिते,सयाजी मोहिते,रामचंद्र सोनताटे, शिवाजी मोहिते, किरण मोहिते, विकास मोहिते,अनिल पाटील, दत्तात्रय मोहिते, कृष्णात मोहिते, शंकर कचरे, धनाजी मोहिते, महादेव मोहिते, विजय मोहिते,पोपट मोहिते,रामचंद्र मोहिते, हनमंत मोहिते, शंकर मोहिते, संग्राम मोहिते,बाळासाहेब मोहिते, प्रल्हाद मोहिते,प्रल्हाद कुंभार, बाबू मोहिते, शरद मोहिते, बबन मोहिते, प्रवीण झरेकर, आदी कार्यकर्त्यांनी गुलालाची उधळण करीत आनंद उत्सव साजरा केला.
