आटपाडी तहसीलदार यांच्यावर कारवाईसाठी जिल्हाधिकारी यांची टाळाटाळ – विजयकुमार यादव
मुख्यमंत्री यांच्याकडे तक्रार :
तहसीलदार यांची विभागीय चौकशीची मागणी : शिराळा तहसीलदार यांच्या पथकाकडून चौकशी पूर्ण : कारवाई कधी ?
आटपाडी प्रतिनिधी
आटपाडी तालुक्यातील मांगणगा नदीमध्ये झालेले वाळूचे अवैध उतख्तन्नन प्रकरणी शिराळा तहसीलदार यांच्या मार्फत करण्यात आलेल्या चौकशीच्या अहवाला नंतर सुध्दा तहसीलदार यांच्यावर जिल्हाधिकारी यांनी कोणतीच कारवाई केली नसून ते कारवाईसाठी टाळाटाळ करत असल्याचा आरोप आरटीआय महासंघाचे विजयकुमार यादव यांनी केला असून याबाबत यादव यांनी मुख्यमंत्री, उपमुख्यमंत्री ,महसूलमंत्री यांच्याकडे तक्रार केली आहे.
विजयकुमार यादव यांनी दिलेल्या तक्रारींमध्ये म्हंटले आहे की, गेल्या काही वर्षांपासून आटपाडी तालुक्यातील मांगणगा पात्रातील बोंबेवाडी, जाधवमळा, पिंपरी खुर्द, खानजोडवाडी, पांढरेवाडी, देशमुखवाडी या गावच्या नदी पात्रातून बेसुमार वाळू तस्करी झाली असून या पात्रातून लाखो ब्रास वाळू चोरून नेली आहे. शासनाचा कोट्यावधी रुपयांचा महसूल बुडवला असून याला सर्वस्वी जबाबदार व आशीर्वाद असणाऱ्या तहसीलदार ते गावपातळीवरील सरपंच, ग्रामसेवक, तलाठी ,पोलीस पाटील यांच्यासह जिल्हाधिकारी कार्यालयातील अधिकारी यांच्यावर कारवाई करण्याची मागणी करण्यात आली आहे.
वाळू तस्करांना गावपातळीवरून सहकार्य मिळत असल्याने बिनधास्त पणे वाळू तस्करी सुरू आहे.दररोज शेकडो डंपर वाळू चोरली जात आहे.
याबाबत अनेकवेळा तक्रारी केल्यानंतर शिराळ्याचे तहसीलदार गणेश शिंदे यांच्या पथकाने माणगंगा नदीच्या पात्रातील वाळू चोरीचे पंचनामे करण्यात आले आहेत.व पंचनाम्याचा अहवाल जिल्हाधिकारी यांच्या कार्यालयातील महसूल अधिकारी दिवेकर यांच्याकडे सोपविण्यात आला आहे.
मात्र गेल्या चार महिन्यापूर्वी दिलेल्या अहवाल प्रमाणे आटपाडी च्या तहसीलदार यांच्यावर कारवाई का करण्यात आली नाही ? जिल्हाधिकारी हे प्रकरण दाबण्याचा प्रयत्न करत असून जाणूनबुजून कारवाईस विलंब केला जात असल्याचा आरोप विजयकुमार यादव यांनी केला असून तहसीलदार याची विभागीय चौकशी करण्याची मागणी केली आहे.
